న్యూస్ డెస్క్: భారత్ పాక్ మ్యాచ్ అంటే ఎప్పుడూ అదిరిపోయే క్రేజ్ ఉంటుంది. రానున్న ఆసియా కప్ ఫైనల్‌లో ఈ రెండు జట్లు తలపడబోతున్నాయి. కానీ మ్యాచ్‌కు ముందు ఇద్దరు కీలక ఆటగాళ్ల ఫిట్‌నెస్‌పై అనుమానాలు కలిగాయి.
హార్దిక్ పాండ్య శ్రీలంక మ్యాచ్‌లో ఒకే ఓవర్ వేసి ఆగిపోయాడు. మొదటి ఓవర్‌లో వికెట్ తీసినా, తర్వాత బౌలింగ్‌కు రాలేదు. దీంతో అతడికి గాయం అయిందా అన్న సందేహం మొదలైంది.
ఇక అభిషేక్ శర్మ కూడా అదే మ్యాచ్‌లో ఫీల్డింగ్‌కు రాలేదు. ఆయన క్రాంప్స్‌తో ఇబ్బందిపడ్డారని టీమ్ మేనేజ్‌మెంట్ తెలిపింది. ఇరువురి గైర్హాజరు జట్టుకు పెద్ద సమస్యగా మారవచ్చు అని అభిమానులు ఆందోళన చెందుతున్నారు.
అయితే బౌలింగ్ కోచ్ మోర్నీ మోర్కెల్ మాత్రం పెద్దగా భయం అవసరం లేదని చెప్పారు. పాండ్యకు కండరాలు పట్టేయడం మాత్రమేనని, అభిషేక్ కూడా క్రాంప్స్ వల్లే బాధపడ్డారని వివరించారు.
ఫైనల్‌కు ముందు ట్రైనింగ్ సెషన్ లేకుండా, ఆటగాళ్లకు విశ్రాంతి ఇచ్చే ప్లాన్ చేశారు. మసాజ్ సెషన్స్‌తో రికవరీకి సహాయం చేస్తారని మేనేజ్‌మెంట్ తెలిపింది.
మొత్తానికి, ఆదివారం జరిగే ఫైనల్‌లో పాండ్య, అభిషేక్ ఇద్దరూ ఆడతారని నమ్మకం ఉంది. కానీ చివరి ఫిట్‌నెస్ టెస్ట్ ఆధారంగానే క్లారిటీ వస్తుంది.