సూపర్ స్టార్ రజినీకాంత్ ఎంత గొప్ప మనసున్నవారో తాజా ఇంటర్వ్యూలో అక్కినేని నాగార్జున వెల్లడించారు. రజినీ హీరోగా నటిస్తున్న కూలీ సినిమాలో విలన్ పాత్రలో నటించిన నాగ్, ఇటీవల హైదరాబాద్‌లో జరిగిన ప్రెస్ మీట్‌లో తన అనుభవాలను పంచుకున్నారు.
షూటింగ్ సమయంలో రజినీ చూపిన ఆప్యాయత తనను ఎంతగానో ఆకట్టుకుందని ఆయన అన్నారు. బ్యాంకాక్‌లో 17 రోజుల పాటు షిప్‌పై జరిగిన భారీ నైట్ యాక్షన్ సీక్వెన్స్‌ గురించి నాగ్ వివరించారు.
షూటింగ్ సమయంలో రజినీకాంత్ తనతో పాటు మొత్తం యూనిట్ ఎంతో కష్టపడిందని అన్నారు. ఈ సీన్‌కి భారీ బడ్జెట్ ఖర్చవ్వడంతో పాటు, టెక్నికల్ క్రూ కూడా శ్రమించిందని చెప్పారు. కానీ షూటింగ్ పూర్తయిన తర్వాత రజినీ చేసిన పని మాత్రం అందరినీ ఆవేశపెట్టిందని అన్నారు.
రజినీకాంత్ స్వయంగా యూనిట్‌లో ఉన్న ప్రతి ఒక్కరికి మొత్తం 350 మందికి తలో ఓ ప్యాకెట్ ఇచ్చారని నాగార్జున తెలిపారు. అందులో డబ్బులు పెట్టి, “ఇవి మీ పిల్లల కోసం.. బ్యాంకాక్‌ నుంచి ఏదైనా కొనుక్కొని వెళ్లండి” అని రజినీ చెప్పిన మాటలు ఇప్పటికీ గుర్తున్నాయని అన్నారు.
రజినీకి అలాంటి అవసరం లేకపోయినా, యూనిట్ పట్ల చూపిన ఆ దయాభావం అసాధారణమని ఆయన చెప్పారు. నాగ్ మాట్లాడుతూ, “ఇతనిలోని మనసు నిజంగా గొప్పది. హీరోగా మాత్రమే కాదు, మానవతావాది అని చెప్పడంలో సందేహం లేదు. ఈ చిత్రంలో నా పాత్ర విలన్ అయినా, స్క్రీన్ మీద హీరోలాగా ఉంటుంది. అలాంటి వ్యక్తితో పని చేయడం నా అదృష్టంగా భావిస్తున్నా” అని అన్నారు.