న్యూస్ డెస్క్: నేషనల్ క్రష్ రష్మిక మందన్న నటించిన ‘ది గర్ల్ఫ్రెండ్‘ విదేశీ మార్కెట్లోనూ సత్తా చాటుతోంది. నవంబర్ 7న విడుదలైన ఈ రొమాంటిక్ డ్రామాకు ఓవర్సీస్లో, ముఖ్యంగా నార్త్ అమెరికాలో అద్భుతమైన స్పందన వస్తోంది.
నిర్మాతలు అధికారికంగా ప్రకటించిన వివరాల ప్రకారం, ఈ చిత్రం నార్త్ అమెరికాలో ఇప్పటికే $625,777 (USD 625K+) వసూలు చేసింది. దీంతో అక్కడ సినిమా బ్రేక్ ఈవెన్ సాధించి, లాభాల బాట పట్టింది.
విదేశాల్లోనే కాదు, దేశీయంగా కూడా ‘ది గర్ల్ఫ్రెండ్’ నిలకడగా వసూళ్లు రాబడుతోంది. తొలి 5 రోజుల్లోనే ఇండియాలో రూ. 20 కోట్ల గ్రాస్ మార్కును అందుకుంది.
స్లో స్టార్ట్ లభించినా, బలమైన పాజిటివ్ మౌత్ టాక్ కారణంగా వీక్ డేస్లో కూడా సినిమా స్టడీగా నిలబడింది. ముఖ్యంగా మహిళా ప్రేక్షకులు, యువత ఈ చిత్రానికి బ్రహ్మరథం పడుతున్నారు.
రాహుల్ రవీంద్రన్ దర్శకత్వం వహించిన ఈ చిత్రంలో కన్నడ నటుడు దీక్షిత్ శెట్టి కీలక పాత్ర పోషించారు. గీతా ఆర్ట్స్ సమర్పణలో విడుదలైన ఈ సినిమాకు హేషమ్ అబ్దుల్ వహాబ్ సంగీతం అందించారు.