అక్కినేని నాగార్జునను టాలీవుడ్ ‘మన్మథుడు’ అని, ‘ఎవర్ గ్రీన్ హీరో’ అని పిలుస్తారు. వయసు 60 దాటినా, ఆయన ఫిట్నెస్, గ్లామర్ ఇప్పటికీ కుర్ర హీరోలకు గట్టి పోటీ ఇస్తాయి. ఇంత యంగ్గా ఉండటానికి ఆయన పాటించే డైట్ సీక్రెట్ ఏంటని అభిమానులు ఎప్పుడూ ఆరా తీస్తుంటారు.
తాజాగా, నాగార్జునకు స్వయంగా వండిపెట్టే ఓ వ్యక్తి ఈ రహస్యాలను ఓ ఇంటర్వ్యూలో పంచుకున్నారు. ఆయన ఆహారపు అలవాట్లు చాలా ఆసక్తికరంగా ఉన్నాయి.
ఆయన మెనూలో ప్రతిరోజూ బెండకాయ తప్పనిసరిగా ఉండాలట. ఆశ్చర్యకరంగా, ‘హాట్ చిప్స్’ కూడా ఆయన భోజనంలో కచ్చితంగా ఉండాల్సిందేనని తెలిసింది.
అయితే, అన్నం విషయంలో నాగార్జున చాలా పద్ధతిగా ఉంటారు. పాలిష్ చేసిన తెల్ల బియ్యాన్ని ఆయన అస్సలు ముట్టుకోరు. కేవలం దంపుడు బియ్యం (Brown Rice) మాత్రమే తింటారు. దాన్ని కూడా మెత్తగా ముద్దలా చేయించుకుని తినడానికే ఇష్టపడతారట.
ఆయన డైట్లో వీకెండ్ ట్రీట్స్ కూడా ఉన్నాయి. శనివారం రాత్రి ఆయనకు ఇష్టమైన పామ్ఫ్రెట్ చేప, ఆదివారం అర కప్పు చికెన్ లేదా మటన్ తీసుకుంటారు.
నాగార్జున ఫిట్నెస్ వెనుక ఉన్న అసలు రహస్యం ఆయన ‘పోర్షన్ కంట్రోల్’. ఆయన అన్నీ తింటారు, కానీ ప్రతీదీ చాలా కొద్ది మోతాదులో మాత్రమే తీసుకుంటారు. ఇదే ఆయన యంగ్నెస్ సీక్రెట్ అని అభిమానులు ఇప్పుడు స్పష్టత తెచ్చుకున్నారు.