యంగ్ హీరో తేజ సజ్జా హీరోగా నటించిన మిరాయ్ సినిమా సూపర్ హిట్ రేసులో దూసుకుపోతూనే ఉంది. కార్తీక్ ఘట్టమనేని దర్శకత్వం వహించిన ఈ సైంటిఫిక్ యాక్షన్ డ్రామా, విడుదలైన మొదటి రోజు నుంచే బాక్సాఫీస్ వద్ద మంచి దుమ్మురేపుతోంది.
సెప్టెంబర్ 12న విడుదలైన ఈ సినిమా, అన్ని భాషల్లోనూ మంచి వసూళ్లతో ముందుకెళ్తోంది. ముఖ్యంగా పాన్ ఇండియా స్థాయిలో మిరాయ్ కి వచ్చిన రెస్పాన్స్ అద్భుతంగా ఉంది. తెలుగు రాష్ట్రాలతో పాటు హిందీ, తమిళం, మలయాళం, కన్నడ భాషల్లో కూడా బలమైన కలెక్షన్లు రాబడుతోంది.
హీరో తేజ సజ్జా, విలన్ గా మంచు మనోజ్, అలాగే శ్రియా శరణ్, జగపతి బాబు, జయరాం, రితికా నటన సినిమాకు ప్లస్ అయ్యాయి. గౌరహరి సంగీతం, రవికే చంద్రన్ సినిమాటోగ్రఫీ కూడా సినిమాను బలపరిచాయి.
తాజాగా మేకర్స్ ప్రకటించిన అధికారిక సమాచారం ప్రకారం, మిరాయ్ 10 రోజుల్లో రూ.134.40 కోట్ల గ్రాస్ వసూలు చేసింది. దీంతో వరుసగా 10 రోజులు బ్లాక్ బస్టర్ రన్ కొనసాగించిందని తెలిపారు.
సినిమా యూనిట్ ఈ మైలురాయిని సెలబ్రేట్ చేస్తూ ఒక స్పెషల్ పోస్టర్ కూడా రిలీజ్ చేసింది. అందులో హీరో తేజ సజ్జా ఎమోషనల్ సీన్ లో కనిపించగా, అది సోషల్ మీడియాలో వైరల్ అవుతోంది.
ఇక మిరాయ్ పూర్తి రన్ లో ఇంకా ఎన్ని కోట్లు వసూలు చేస్తుందో చూడాలి. కానీ ఇప్పటివరకు వచ్చిన రెస్పాన్స్ చూస్తే, ఈ సినిమా తేజ సజ్జా కెరీర్ కి టర్నింగ్ పాయింట్ అవుతుందనడం ఖాయం.