మహాత్మా గాంధీపై చేసిన వ్యాఖ్యలతో సినీ నటుడు శ్రీకాంత్ అయ్యంగార్ పెద్ద వివాదంలో చిక్కుకున్నారు. గాంధీ జయంతి రోజున ఆయన “స్వాతంత్రం గాంధీ తీసుకురాలేదు” అంటూ చేసిన వ్యాఖ్యలు సోషల్ మీడియాలో తీవ్ర ఆగ్రహాన్ని రేపాయి.
కాంగ్రెస్ నేత బల్మూరి వెంకట్ దీనిపై పోలీసులకు ఫిర్యాదు చేయడంతో పాటు, మూవీ ఆర్టిస్ట్స్ అసోసియేషన్ (MAA) సభ్యత్వం రద్దు చేయాలని మంచు విష్ణుకు విజ్ఞప్తి చేశారు.
వివాదం చెలరేగడంతో శ్రీకాంత్ అయ్యంగార్ చివరికి క్షమాపణ చెప్పారు. “నా వ్యాఖ్యలతో బాధపడ్డ వారందరినీ మనస్ఫూర్తిగా క్షమించమని కోరుతున్నాను. స్వాతంత్ర్య సమరయోధుల త్యాగాలను గౌరవిస్తాను” అని ఆయన తెలిపారు.
అయినప్పటికీ, ఈ సంఘటన ప్రభావం ఆగకపోయింది. ఆయన నటించిన ‘అరి’ సినిమా కొన్ని ప్రాంతాల్లో నిరసనలతో ఆగిపోయింది.
ఇది ఆయనకు కొత్త వివాదం కాదు. గతంలో ఫిల్మ్ జర్నలిస్టులు, వైసీపీ ప్రభుత్వం, బూమ్ బూమ్ బీర్లపై చేసిన వ్యాఖ్యలతో కూడా వివాదాల్లో ఉన్నారు. ఇప్పుడు గాంధీ వ్యాఖ్యలతో ఆయన మళ్లీ ఫోకస్లోకి వచ్చారు.