రెబల్ స్టార్ ప్రభాస్ రాజా సాబ్ సినిమాను 2026 సంక్రాంతి కానుకగా జనవరి 9న రిలీజ్ చేయనున్నారు. మారుతి దర్శకత్వంలో పీపుల్ మీడియా ఫ్యాక్టరీ నిర్మించిన ఈ సినిమా హర్రర్ ఎంటర్టైనర్గా ప్రేక్షకులను అలరించబోతోంది. టీజర్ ఇప్పటికే హైప్ క్రియేట్ చేసింది.
తెలుగులో ఈ సినిమా పోటీగా రవితేజ, శర్వానంద్ సినిమాలు వస్తున్నా, ప్రభాస్ క్రేజ్ వేరే స్థాయిలో ఉంటుంది. కానీ అసలైన టఫ్ ఫైట్ మాత్రం తమిళ్ లో ఎదురవ్వనుంది. ఎందుకంటే అదే రోజున దళపతి విజయ్ జననాయకన్ రిలీజ్ అవుతోంది. ఈ సినిమా విజయ్ కెరీర్లో చివరి చిత్రం కావడంతో అభిమానుల్లో భారీ క్రేజ్ ఉంది.
అంతేకాకుండా జనవరి 14న శివకార్తికేయన్ పరాశక్తి కూడా థియేటర్లకు రానుంది. రెండు పెద్ద తమిళ్ సినిమాల మధ్యలో ప్రభాస్ సినిమా ఉండటంతో అక్కడ కాస్త సవాల్ తప్పదు. ఇప్పటికే కోలీవుడ్ లో తెలుగు సినిమాలు అంతగా ఆడవన్న అభిప్రాయం ఉన్న నేపథ్యంలో ఈ పోటీ మరింత కీలకం అవుతోంది.
అయితే ప్రభాస్ కి పాన్ ఇండియా ఇమేజ్ ఉన్నందున హిందీ మార్కెట్ లో రాజా సాబ్ బలంగా నిలుస్తుందని అంటున్నారు. ప్రత్యేకంగా థమన్ మ్యూజిక్ ఈ చిత్రానికి అదనపు ఆకర్షణ. టీజర్ లోనే థమన్ తన మార్క్ చూపించాడు.
రాజా సాబ్ లో నిధి అగర్వాల్, మాళవిక మోహనన్ హీరోయిన్స్ గా నటిస్తున్నారు. తెలుగు రాష్ట్రాల్లో ప్రభాస్ సినిమాకు పెద్ద సొలో రిలీజ్ లేకపోయినా, అభిమానుల క్రేజ్ తో విజయవంతం అయ్యే అవకాశం ఉంది.
కానీ తమిళ్ లో మాత్రం ప్రభాస్ vs విజయ్ క్లాష్ ఫ్యాన్స్ మధ్య పెద్ద డిబేట్ కాగానే ఉంది. మొత్తానికి రాజా సాబ్ కు అక్కడ గట్టి పరీక్ష ఎదురవ్వనుంది.