దక్షిణాదిలో స్టార్ హీరోయిన్‌గా వెలుగొందిన మీనా, మూడు దశాబ్దాలుగా సినిమాల్లో తనకంటూ ప్రత్యేక స్థానం సంపాదించుకున్నారు. 2022లో ఆమె భర్త విద్యాసాగర్ మరణం తర్వాత, వ్యక్తిగతంగా పెద్ద షాక్‌ను ఎదుర్కొన్నారు.
అయితే, భర్త మరణించిన కొద్దిరోజులకే తన రెండో పెళ్లి అంటూ మీడియాలో వచ్చిన వార్తలు తనకు తీవ్ర ఆవేదన కలిగించాయని మీనా ఇటీవల టాక్ షోలో వెల్లడించారు. కుటుంబం దుఃఖంలో ఉండగానే ఇలా రాయడం చాలా బాధ కలిగించిందని ఆమె అన్నారు.
“భర్త చనిపోయిన వారానికే పెళ్లి వార్తలు రాశారు. వాళ్లకు కుటుంబం ఉండదా? ఎంత బాధ కలిగించిందో చెప్పలేను” అంటూ మీనా కన్నీటి గాదిలో చెప్పారు.
ఆ తర్వాత కూడా ప్రతి సారి ఎవరో నటుడు విడాకులు తీసుకుంటే, తన పేరు జత చేస్తూ వదంతులు వచ్చాయని ఆమె ఆవేదన వ్యక్తం చేశారు. అలాంటి వార్తలు చూసి అసహ్యం పుట్టిందని చెప్పారు.
తన కెరీర్‌లో కూడా కష్టాలు ఎదుర్కొన్నానని, నిర్మాతల కష్టాలు చూసి తక్కువ పారితోషకంతో సినిమాలు చేశానని చెప్పారు. కానీ మోహన్‌లాల్‌తో చేసిన దృశ్యం సెకండ్ ఇన్నింగ్స్‌కు పెద్ద బ్రేక్ ఇచ్చిందని గుర్తుచేసుకున్నారు.
మొత్తానికి మీనా స్పష్టంగా చెబుతున్నది ఏమిటంటే, తాను కుటుంబాన్ని దూరం చేసి రెండో పెళ్లి చేసుకోలేదని, వదంతులు మాత్రమే అని. ఆమె ఆవేదన మాటల్లోనూ, కళ్లలోనూ స్పష్టంగా కనిపించింది.