టాలీవుడ్లో ప్రస్తుతం ‘కుబేర’ సినిమాకి ఊహించని స్థాయిలో రెస్పాన్స్ వస్తోంది. నాగార్జున, ధనుష్, రష్మిక నటించిన ఈ సినిమా బాక్సాఫీస్ దగ్గర సూపర్ హిట్ టాక్తో దూసుకెళ్తోంది. శేఖర్ కమ్ముల దర్శకత్వం వహించిన ఈ చిత్రం, భావోద్వేగంతో ప్రేక్షకులను కట్టిపడేస్తోంది.
ధనుష్ ఈ సినిమాలో చేసిన బిచ్చగాడి పాత్రకు అన్ని వర్గాల నుంచీ ప్రశంసలు అందుతున్నాయి. అయితే ఈ పాత్ర మొదట విజయ్ దేవరకొండను దృష్టిలో ఉంచుకుని డిజైన్ చేసినట్లు టాక్. శేఖర్ కమ్ముల, విజయ్ దేవరకొండను గతంలో ‘లైఫ్ ఈజ్ బ్యూటిఫుల్’లో పరిచయం చేసిన విషయం తెలిసిందే.
కానీ బిచ్చగాడి పాత్రకు తాను సరిపోడని అభిప్రాయంతో విజయ్ ఈ ఆఫర్ను తిరస్కరించినట్లు సమాచారం. ఈ నిర్ణయం వల్ల విజయ్ ఒక భారీ విజయాన్ని చేజార్చుకున్నారని అభిమానులు అంటున్నారు.
ఇక ఈ పాత్రలో ధనుష్ అద్భుతంగా నటించి సినిమాని కొత్త స్థాయికి తీసుకెళ్లాడు. ఈ మూవీ విజయంతో మరోసారి ధనుష్ నటనకు టాలీవుడ్లో మంచి మార్కెట్ ఏర్పడింది.
‘కుబేర’ విజయంతో శేఖర్ కమ్ముల, ధనుష్ కాంబినేషన్పై మరిన్ని అంచనాలు ఏర్పడ్డాయి. విజయ్ మిస్ అయిన ఛాన్స్ను ధనుష్ గోల్డ్గా మార్చుకున్నాడు.