అమెరికా మాజీ అధ్యక్షుడు డొనాల్డ్ ట్రంప్ మరియు టెస్లా అధినేత ఎలాన్ మస్క్‌ల మధ్య ఇటీవల కొంత దూరం ఏర్పడిన సంగతి తెలిసిందే. ఒక దశలో మాటల యుద్ధం స్థాయికి చేరిన ఈ వివాదం ఇప్పుడు పరిష్కార దిశగా సాగుతోందని సంకేతాలు కనిపిస్తున్నాయి.
తాజాగా ఓ విలేకరుల సమావేశంలో మాట్లాడిన ట్రంప్, టెస్లా కంపెనీ తయారుచేసిన కారును తాను వదిలిపెట్టనని స్పష్టం చేశారు. “అది చాలా బాగా సేవలందిస్తోంది. నేను ఇప్పటికీ ఆ కారులో తిరుగుతున్నా” అని చెప్పారు. అలాగే మస్క్‌కు చెందిన స్టార్‌లింక్ ఇంటర్నెట్ సేవలు కూడా వైట్‌హౌస్‌ నుండి తొలగించే ఉద్దేశం లేదని స్పష్టం చేశారు.
స్టార్‌లింక్ సేవలను కొనియాడుతూ ట్రంప్, “వారు మంచి సేవలు అందిస్తున్నారు. ప్రస్తుతానికి ఆ సేవలను నిలిపివేసే ఆలోచన లేదు” అన్నారు. ఈ వ్యాఖ్యలు మస్క్‌కు పాజిటివ్ సంకేతాలుగానే విశ్లేషించబడుతున్నాయి.
ఎలాన్ మస్క్‌తో మాట్లాడాలనుకుంటున్నారా? అన్న ప్రశ్నకు స్పందిస్తూ, “అవకాశం ఉంటే మాట్లాడతాను. అతడికి నా శుభాకాంక్షలు” అని వ్యాఖ్యానించారు ట్రంప్.
ఈ వ్యాఖ్యలపై ఎలాన్ మస్క్ సోషల్ మీడియా వేదికగా హార్ట్ ఎమోజీతో స్పందించడం ప్రత్యేక ఆకర్షణగా నిలిచింది.