పాన్ ఇండియా స్టార్ ప్రభాస్ ప్రధాన పాత్రలో తెరకెక్కిన కల్కి 2898 ఏ.డి సెన్సేషన్ సృష్టించిన సంగతి తెలిసిందే. ఈ సైన్స్ ఫిక్షన్, మైథాలజీ కలయికతో వచ్చిన మూవీ బాక్సాఫీస్ వద్ద బ్లాక్‌బస్టర్ హిట్ అయ్యింది. ఇప్పుడు అందరి దృష్టి కల్కి సీక్వెల్‌పై ఉంది.
ఈ చిత్రాన్ని డైరెక్టర్ నాగ్ అశ్విన్ హ్యాండిల్ చేస్తుండగా, వైజయంతీ మూవీస్ నిర్మాణ బాధ్యతలు తీసుకుంది. మొదటి పార్ట్‌ షూటింగ్ సమయంలోనే సీక్వెల్ కు సంబంధించిన 30 శాతం వరకు షూట్ చేశారని సమాచారం. ఇప్పుడు పూర్తి స్థాయి రెగ్యులర్ షూటింగ్ త్వరలో మొదలవుతుంది.
ఇంతలో ఈ సీక్వెల్ నుంచి దీపికా పదుకొణె తప్పించారని వార్తలు వినిపించాయి. భారీ రెమ్యునరేషన్ డిమాండ్లు, ఇతర కమిట్‌మెంట్స్ వలన ఆమె మేకర్స్ నుంచి బయటపడ్డారంటూ గాసిప్స్ చక్కర్లు కొట్టాయి.
అయితే ఈ రూమర్లకు ఇప్పుడు చెక్ పడింది. కల్కి సీక్వెల్‌లో దీపికా పదుకొణె కొనసాగుతుందనేది క్లియర్ అయింది. ఆమె పాత్రకు కీలక ప్రాధాన్యం ఉండబోతుందని యూనిట్‌కి చేరిన వర్గాలు వెల్లడించాయి.
2026లో సినిమా విడుదలయ్యే అవకాశం ఉంది. ఈ సీక్వెల్‌లో ప్రభాస్, కమల్ హాసన్ మధ్య భారీ ఎపిసోడ్ ఉంటుందని టాక్. దీపిక పాత్ర కూడా అంతే ఇంపాక్ట్ ఉండనుందని తెలుస్తోంది.
kalki2898ad, deepikapadukone, prabhas, kamalhaasan, kalki2,