గత కొన్నేళ్లుగా ‘బాహుబలి’ నుంచి ‘కల్కి’ వరకు ప్రభాస్ను సీరియస్ వారియర్గా చూసి ఫ్యాన్స్ ఇప్పుడు రూట్ మార్చాలని కోరుకుంటున్నట్లు తెలుస్తోంది. మా పాత ‘డార్లింగ్’ ఎప్పుడు వస్తాడు అనే వెలితి వారిలో ఉంది. సరిగ్గా ఆ చిలిపి నవ్వులు, ‘బుజ్జిగాడు’ ఈజ్ కోసమే ‘ది రాజా సాబ్’ వస్తున్నాడు.
ఈ సినిమాపై నార్త్ అమెరికాలో ఉన్న క్రేజ్ చూసి ట్రేడ్ వర్గాలు ఆశ్చర్యపోతున్నాయి. వందల కోట్ల విజువల్ ఎఫెక్ట్స్ లేకపోయినా, ఒక ఫన్ హారర్-ఎంటర్టైనర్కి నెల రోజుల ముందే (డిసెంబర్ 4న) బుకింగ్స్ ఓపెన్ చేయడం ప్రభాస్ స్టార్డమ్కి నిదర్శనం.
మారుతికి కామెడీ టైమింగ్, హీరోల బాడీ లాంగ్వేజ్ను స్టైలిష్గా చూపించడంలో మంచి పట్టు ఉంది. ఈ కాంబినేషన్ ద్వారా ‘వింటేజ్ ప్రభాస్’ బయటకు వస్తాడనే నమ్మకం ఓవర్సీస్ ఆడియన్స్లో బలంగా ఉంది. అందుకే టికెట్లు హాట్ కేకుల్లా అమ్ముడయ్యే ఛాన్స్ ఉంది.
ఇది ప్రభాస్ కెరీర్కు పర్ఫెక్ట్ బ్యాలెన్సింగ్ స్టెప్. ఎందుకంటే త్వరలోనే ఆయన సందీప్ రెడ్డి వంగాతో వయొలెన్స్తో కూడిన సీరియస్ సినిమా ‘స్పిరిట్’ మొదలుపెడుతున్నారు. ఆ రక్తపాతం చూసేలోపు, ప్రేక్షకులకు ఈ హారర్ కామెడీ మంచి రిలీఫ్ ఇస్తుంది.
నార్త్ అమెరికాలో మొదలైన ఈ హంగామా చూస్తుంటే, ‘రాజా సాబ్’ ఓపెనింగ్స్ రికార్డులు క్రియేట్ చేయడం ఖాయం.
బాహుబలి 2 రికార్డులను టచ్ చేయాలంటే భారీ కత్తులు అవసరం లేదు, డార్లింగ్ చిలిపి నవ్వు చాలు అని ఈ సినిమా నిరూపించేలా ఉంది.