న్యూస్ డెస్క్: హైదరాబాద్లోని బషీర్బాగ్ ఈడీ ప్రాంతీయ కార్యాలయం వద్ద బుధవారం ఉదయం నటి, నిర్మాత మంచు లక్ష్మి ప్రసన్న హాజరయ్యారు. అక్రమ బెట్టింగ్ యాప్ల ప్రమోషన్కు సంబంధించిన మనీలాండరింగ్ కేసులో ఆమెను అధికారులు విచారిస్తున్నారు.
సమాచారం ప్రకారం, బెట్టింగ్ యాప్ల ప్రమోషన్ ఒప్పందాలు, అందుకు పొందిన పారితోషికం, ఆర్థిక లావాదేవీలపై ఈడీ ప్రశ్నలు అడుగుతోంది. ఈ విచారణలో ఆమె వాంగ్మూలం రికార్డు చేయనున్నారు.
ఈ కేసులో ఇప్పటికే ప్రకాశ్ రాజ్, విజయ్ దేవరకొండ, రానా దగ్గుబాటి వంటి పలువురు సినీ తారలు ఈడీ ఎదుట హాజరై వివరణ ఇచ్చారు. వారిని 4-5 గంటల పాటు అధికారులు ప్రశ్నించారు.
తెలంగాణ, ఆంధ్రప్రదేశ్ రాష్ట్రాల్లో నమోదైన ఐదు వేర్వేరు ఎఫ్ఐఆర్ల ఆధారంగా ఈడీ ఈ కేసును దర్యాప్తు చేస్తోంది. సుమారు 29 మంది నటులు, సోషల్ మీడియా ఇన్ఫ్లుయెన్సర్లపై పీఎంఎల్ఏ కింద కేసులు నమోదయ్యాయి.
మునుపటి విచారణల్లో రానా, విజయ్ దేవరకొండ వారు చట్టబద్ధమైన స్కిల్-బేస్డ్ గేమ్స్ మాత్రమే ప్రమోట్ చేశామని చెప్పారు. ప్రకాశ్ రాజ్ మాత్రం తాను ప్రచారం చేసిన యాప్కు ఎలాంటి పారితోషికం తీసుకోలేదని పేర్కొన్నారు.
తదుపరి రోజుల్లో మరికొంత మంది సెలబ్రిటీలను కూడా ఈడీ విచారించే అవకాశం ఉందని తెలుస్తోంది. ఈ కేసు ఫలితాలు టాలీవుడ్లో మరిన్ని చర్చలకు దారితీయవచ్చు.