టాలీవుడ్ యంగ్ హీరో బెల్లంకొండ సాయి శ్రీనివాస్ హీరోగా వచ్చిన కిష్కింధపురి సినిమా థియేటర్లలో మంచి జోరుతో కొనసాగుతోంది. సెప్టెంబర్ 12న విడుదలైన ఈ హారర్ థ్రిల్లర్కి ప్రేక్షకుల నుంచి పాజిటివ్ టాక్ లభించింది.
అనుపమ పరమేశ్వరన్ హీరోయిన్గా నటించిన ఈ చిత్రాన్ని కౌశిక్ పెగళ్లపాటి డైరెక్ట్ చేశారు. తనికెళ్ల భరణి, హైపర్ ఆది, శ్రీకాంత్ అయ్యంగార్ వంటి నటుల పాత్రలు సినిమాకు బలం చేకూర్చాయి. షైన్ స్క్రీన్ బ్యానర్పై సాహు గారపాటి రూ.32 కోట్ల భారీ బడ్జెట్తో నిర్మించారు.
ఫస్ట్ షో నుంచే సూపర్ రెస్పాన్స్ రావడంతో వసూళ్లు ఊపందుకున్నాయి. విజువల్స్, బ్యాక్గ్రౌండ్ స్కోర్, ప్రొడక్షన్ వాల్యూస్ ప్రేక్షకులను ఆకట్టుకున్నాయి. కేవలం 70 రోజుల్లో షూటింగ్ పూర్తి చేసి కూడా మంచి క్వాలిటీని మెంటైన్ చేయడం సినిమాకు అదనపు హైలైట్ అయింది.
బాక్సాఫీస్ వద్ద ఇప్పటికే బ్రేక్ ఈవెన్ పూర్తి చేసి లాభాల దిశగా సాగుతోంది. శాటిలైట్, డిజిటల్, హిందీ డబ్బింగ్ రైట్స్ ద్వారా 80 శాతం బడ్జెట్ రికవరీ కావడం నిర్మాతలకు ఊరట కలిగించింది. థియేటర్ల వసూళ్లతో పాటు ఈ డీల్స్ వల్ల మేకర్స్, డిస్ట్రిబ్యూటర్లు, ఎగ్జిబిటర్లు అందరూ లాభాల్లో ఉన్నారు.
రాక్షసుడు తర్వాత బెల్లంకొండకు మంచి సక్సెస్ దక్కడం విశేషం. అనుపమకు కూడా ఇది మంచి హిట్గా నిలిచింది. నిర్మాత సాహు గారపాటికి భగవంత్ కేసరి తర్వాత ఈ సినిమా సక్సెస్ కొంత ఊరట తీసుకొచ్చింది.
మొత్తానికి కిష్కింధపురి సినిమా అన్ని వర్గాలకు లాభదాయకంగా మారి, ఈ ఏడాది టాలీవుడ్లో మోస్ట్ ప్రాఫిటబుల్ ప్రాజెక్ట్స్లో ఒకటిగా నిలిచింది.