కోలీవుడ్ స్టార్ ధనుష్ యాక్టర్గా మాత్రమే కాకుండా డైరెక్టర్గా కూడా తనదైన ముద్ర వేసుకుంటున్నాడు. ఆయన తెరకెక్కించిన తాజా చిత్రం ఇడ్లీ కొట్టు అక్టోబర్ 1న తెలుగు రాష్ట్రాల్లో గ్రాండ్ రిలీజ్ కానుంది. ఈ సినిమాను డాన్ పిక్చర్స్ నిర్మించగా, తెలుగు రైట్స్ను రామారావు చింతపల్లి సొంతం చేసుకున్నారు.
ధనుష్ డైరెక్షన్లో వచ్చిన గత చిత్రం రాయన్ మంచి సక్సెస్ అందుకుంది. అంతకుముందు పా పాండి కూడా ప్రేక్షకులను ఆకట్టుకుంది. ఇప్పుడు ఇడ్లీ కొట్టు కూడా అదే రేంజ్ ఎమోషనల్ రైడ్ అందించబోతుందనే అంచనాలు ఉన్నాయి.
ట్రైలర్ చూసిన వారంతా ఈ సినిమా రియలిస్టిక్ ఎమోషన్లతో నిండిపోతుందని అంటున్నారు. స్ట్రాంగ్ హ్యూమన్ కనెక్ట్ ఉండేలా కథను తీర్చిదిద్దినట్లు స్పష్టంగా కనిపిస్తోంది.
అయితే, అక్టోబర్ 2న రిలీజ్ అవుతున్న కాంతారా చాప్టర్ 1 తో పోటీ ఉండనుంది. కానీ వేరువేరు జానర్స్ కావడం వల్ల రెండు సినిమాలకు కూడా తమ సొంత ప్రేక్షకులు ఉండే అవకాశం ఉంది.
ఇడ్లీ కొట్టు మ్యూజిక్ జివి ప్రకాష్ అందించడం మరో హైలైట్. ఇప్పటికే సాంగ్స్ పాజిటివ్ టాక్ తెచ్చుకున్నాయి.
ఇటీవల కుబేర విజయంతో జోష్ మీదున్న ధనుష్, ఈసారి కూడా హిట్ సాధిస్తాడన్న నమ్మకమే అభిమానుల్లో ఎక్కువగా కనిపిస్తోంది.