టాలీవుడ్లో తన ప్రత్యేకమైన నటనతో గుర్తింపు తెచ్చుకున్న అల్లరి నరేష్, ఈసారి మరో విభిన్నమైన కాన్సెప్ట్తో ప్రేక్షకులను కలవడానికి సిద్ధమయ్యాడు. ఆయన నటిస్తున్న తాజా చిత్రం ఆల్కహాల్ నుంచి టీజర్ విడుదలకు డేట్ను మేకర్స్ అధికారికంగా ప్రకటించారు.
తాజాగా విడుదల చేసిన కొత్త పోస్టర్లో రేపు, అంటే సెప్టెంబర్ 4న టీజర్ రిలీజ్ కానుందని ధృవీకరించారు. పోస్టర్ డిజైన్ చూసే సరికి ఈ టీజర్లో కూడా కంటెంట్ ప్రత్యేకంగా ఉంటుందని అభిమానులు అంచనా వేస్తున్నారు. దర్శకుడు మెహర్ తేజ ఈ సినిమాను తెరకెక్కిస్తుండగా, ఇది కామెడీతో పాటు భావోద్వేగాలను మిళితం చేసిన సినిమా అవుతుందనే అంచనాలు ఉన్నాయి.
ఈ చిత్రానికి చైతన్ భరద్వాజ్ సంగీతం అందిస్తున్నారు. ఆయన సంగీతం ఇప్పటికే పలు సినిమాలకు ప్రత్యేక ఆకర్షణగా నిలిచింది కాబట్టి, ఆల్కహాల్లో కూడా మ్యూజిక్ హైలైట్ అవుతుందనే నమ్మకం ఉంది.
సితార ఎంటర్టైన్మెంట్స్, ఫార్చూన్ ఫోర్ సినిమాస్ సంయుక్తంగా నిర్మిస్తున్న ఈ ప్రాజెక్ట్లో అల్లరి నరేష్ సరసన రుహాణి శర్మ, నిహారిక ఎన్ ఎమ్ కీలక పాత్రల్లో కనిపించనున్నారు. టీజర్తో మొదలయ్యే ఈ ప్రమోషన్స్ సినిమా మీద క్రేజ్ను మరింత పెంచే అవకాశం ఉంది.