యంగ్ హీరో నితిన్ చేయాల్సిన పవర్ పేట చిత్రం కొన్ని కారణాల వల్ల ఆగిపోయింది. కృష్ణ చైతన్య డైరెక్షన్‌లో, పీపుల్ మీడియా ఫ్యాక్టరీ నిర్మాణంలో ప్లాన్ అయిన ఈ ప్రాజెక్ట్ మొదట నితిన్‌కు అనుకున్నప్పటికీ, ఆయన దూరం కావడంతో మార్పులు వచ్చాయి.
తాజాగా కృష్ణ చైతన్య కథలో మార్పులు చేసి, హీరోగా సందీప్ కిషన్‌ను తీసుకోవాలని డిసైడ్ అయ్యాడు. గ్యాంగ్స్ ఆఫ్ గోదావరి తర్వాత కృష్ణ చైతన్య మరోసారి సరికొత్త కథతో సెట్ అవుతున్నాడు.
ఇప్పటివరకు ఈ సినిమా గురించి అధికారిక ప్రకటన రాకపోయినా, ఆగస్టు 9న సెట్స్‌పైకి వెళ్లే అవకాశాలు ఉన్నాయి. 70ఎంఎం ఎంటర్‌టైన్‌మెంట్స్‌పై విజయ్ చిల్లా, శశి దేవిరెడ్డి నిర్మాణ బాధ్యతలు తీసుకోనున్నారు.
ఈసారి కథకు మాస్ యాంగిల్ తోపాటు కొత్త క్యారెక్టరైజేషన్ ఉండబోతోందని టాక్. సందీప్ కిషన్ క్యారెక్టర్‌లో ఎంత ఇంటెన్సిటీ చూపిస్తాడో చూడాలి. పవర్ పేటని సక్సెస్ వైపు దించేలా కృషి చేస్తున్నారని, త్వరలో మరిన్ని వివరాలు వెల్లడి కానున్నాయి.