భారత వ్యోమగామి శుభాంశు శుక్లా కోసం అంతరిక్షంలోకి ఎగరాల్సిన యాత్ర మరోసారి వాయిదా పడింది. యాక్సియం-4 మిషన్‌లో భాగంగా జరగాల్సిన ఈ ప్రయోగానికి వాతావరణం ఆటంకంగా మారింది.
ఫ్లోరిడాలోని కెనడీ స్పేస్ సెంటర్ నుంచి ఫాల్కన్-9 రాకెట్ ద్వారా జూన్ 10న శుక్లాతోపాటు ముగ్గురు అంతర్జాతీయ వ్యోమగాములు ప్రయాణించాల్సి ఉంది. కానీ వర్షం, గాలి పరిస్థితులు అనుకూలించకపోవడంతో ప్రయోగాన్ని బుధవారానికి వాయిదా వేశారు.
ఇస్రో తాజా ప్రకటన ప్రకారం, జూన్ 12వ తేదీకి ప్రయత్నం జరగనున్నది. ఇకపై కూడా పరిస్థితులు అనుకూలించకపోతే జూన్ 13న మరో అవకాశం ఉందని స్పేస్‌ఎక్స్ తెలిపింది.
శుభాంశు శుక్లా ఈ మిషన్‌లో పైలట్‌గా వ్యవహరించనున్నారు. 1984లో రాకేశ్ శర్మ తర్వాత రోదసీలోకి అడుగుపెట్టే తొలి భారతీయుడిగా ఆయన చరిత్రలో నిలిచే అవకాశం ఉంది.
గతంలో మే 29, జూన్ 8 తేదీలకూ వాయిదాలు పడగా, తాజా తేదీ బుధవారం. ప్రయోగంపై దేశవ్యాప్తంగా ఉత్కంఠ నెలకొంది.
shubhamshu shukla, axiom 4 mission, isro space mission, falcon 9 rocket, india astronaut 2025,