టాలీవుడ్లో టాలెంట్ ఉన్నప్పటికీ అండర్రేటెడ్గా మిగిలిపోయిన నటుల్లో సత్యదేవ్ పేరు ముందుంటుంది. బ్లఫ్ మాస్టర్సి నిమా తర్వాత ఆయన నటనకు మంచి ప్రశంసలు వచ్చాయి. తాజాగా జీబ్రా చిత్రంతో ఆకట్టుకున్న సత్యదేవ్, ఇప్పుడు తన కొత్త సినిమాతో మళ్లీ హాట్ టాపిక్ అయ్యాడు.
“రావు బహదూర్” అనే టైటిల్తో వచ్చిన ఫస్ట్ లుక్ పోస్టర్లో సత్యదేవ్ పూర్తిగా మారిపోయి కనిపించాడు. తెల్ల జుట్టు, ముసలి వేషం, రాజసంగా ఉండే కాస్ట్యూమ్తో ఆయన లుక్ అందరినీ ఆశ్చర్యపరిచింది. ఈ పోస్టర్లో చిన్న పిల్లలు కూడా కనిపించడం కథలో ఫాంటసీ టచ్ ఉందనే అనుమానాలు కలిగిస్తోంది.
ఈ చిత్రాన్ని కేరాఫ్ కంచరపాలెం ఫేమ్ దర్శకుడు వెంకటేష్ మహా తెరకెక్కిస్తున్నారు. “అనుమానం పెనుభూతం” అనే ట్యాగ్లైన్తో పోస్టర్ను రిలీజ్ చేయడం మరింత కుతూహలం రేపుతోంది. కథ ఏ దిశలో వెళ్లబోతోందో ఇప్పుడు ప్రేక్షకులు ఊహించుకుంటున్నారు.
సత్యదేవ్ ఇంతకుముందు చేసిన విభిన్న పాత్రలతో తన రేంజ్ను చూపించాడు. అయితే రావు బహదూర్లో ఆయన మేకోవర్ మాత్రం పూర్తిగా కొత్తదనాన్ని కలిగిస్తోంది. ఇది ఆయన కెరీర్లో మరో మైలురాయిగా మారే అవకాశముంది.
ఈ చిత్రాన్ని శ్రీచక్ర ఎంటర్టైన్మెంట్స్ మరియు ఏప్లస్ఎస్ సినిమాస్ సంయుక్తంగా నిర్మిస్తున్నారు. సూపర్ స్టార్ మహేష్ బాబు సమర్పణలో ఈ సినిమా రాబోతోంది. దీంతో ప్రాజెక్ట్పై అంచనాలు మరింత పెరిగాయి.
సినిమా షూటింగ్ దాదాపు పూర్తయిందని, త్వరలో టీజర్ విడుదల కానుందని సమాచారం. సత్యదేవ్ అభిమానులు ఆయన కొత్త లుక్ను చూసి ఇప్పటికే సోషల్ మీడియాలో హుషారుగా రియాక్షన్లు షేర్ చేస్తున్నారు.