టాలీవుడ్లో భారీ అంచనాలు పెట్టుకున్న సినిమాల్లో రామ్ చరణ్ హీరోగా, జాన్వీ కపూర్ హీరోయిన్గా వస్తున్న పెద్ది ఒకటి. బుచ్చిబాబు సానా దర్శకత్వంలో రూరల్ అండ్ రస్టిక్ డ్రామాగా తెరకెక్కుతున్న ఈ ప్రాజెక్ట్పై అభిమానుల్లో భారీ హైప్ ఉంది.
తాజాగా విడుదలైన పోస్టర్తో రామ్ చరణ్ అభిమానులు కాస్త కన్ఫ్యూజ్ అయ్యారు. ఇప్పటివరకు గ్లోబల్ స్టార్ అనే ట్యాగ్తోనే అప్డేట్స్ వస్తుంటే, ఈసారి మాత్రం మళ్లీ మెగా పవర్ స్టార్ అనే ట్యాగ్ కనిపించడం చర్చనీయాంశమైంది.
రామ్ చరణ్ 18 ఏళ్ల కెరీర్ జర్నీలో మెగా పవర్ స్టార్ నుంచి గ్లోబల్ స్టార్గా ఎదిగిన సంగతి తెలిసిందే. గేమ్ ఛేంజర్ అప్డేట్స్ నుంచి పెద్ది మొదటి లుక్ వరకూ ‘గ్లోబల్ స్టార్’ ట్యాగ్ కొనసాగింది.
అయితే తాజా పోస్టర్లో పాత ట్యాగ్ మళ్లీ రావడంతో అభిమానుల్లో రెండు అభిప్రాయాలు వినిపిస్తున్నాయి. ఇది కేవలం ఆయన కెరీర్లో 18 ఏళ్లు పూర్తి చేసుకున్న సందర్భంగా ప్రత్యేకంగా పెట్టారా? లేక మళ్లీ పాత రూట్లోకి వెళ్తున్నారా? అనేది ఆసక్తిగా మారింది.
ఇక బుచ్చిబాబు సానా స్టైల్ దృష్ట్యా ఈ సినిమా ఓ కొత్త ఎమోషనల్ జర్నీ అవుతుందనే అంచనాలు ఉన్నాయి. చరణ్ రస్టిక్ లుక్లో కనిపించబోతున్నాడని టాక్.
ఏదేమైనా రామ్ చరణ్ ఫ్యాన్స్ కోసం వచ్చే అప్డేట్తోనే అసలు క్లారిటీ రానుంది. అప్పటి వరకు మాత్రం ఈ పోస్టర్ చర్చనే హాట్ టాపిక్గా నిలవనుంది.