పాన్ ఇండియా స్టార్ ప్రభాస్ ప్రస్తుతం ఇటలీలో వెకేషన్ ఎంజాయ్ చేస్తున్నారని సమాచారం. గతకొంతకాలంగా సినిమా షూటింగ్‌లు, ప్రమోషన్లతో బిజీగా ఉన్న ప్రభాస్.. ఈసారి వేసవిని అంతర్జాతీయ లొకేషన్‌లో గడిపేందుకు ఇటలీ చేరారు. అక్కడి కూల్ వాతావరణంలో రిలాక్స్ అవుతూ, వ్యక్తిగత సమయాన్ని ఆస్వాదిస్తున్నట్లు తెలుస్తోంది.
ఇటలీలో ఆయనకు ప్రాపర్టీ ఉందన్న టాక్ చాలా కాలంగా వినిపిస్తోంది. అక్కడే ఉండటం, అక్కడి శాంతమైన వాతావరణం మధ్య సేద తీరడం ఆయనకు అలవాటైన విషయమే. ఇక మే నెల చివర్లో ఇండియాకు తిరిగి వచ్చేందుకు ప్లాన్ చేస్తున్నట్లు సమాచారం.
ప్రభాస్ ప్రస్తుతం రెండు సినిమాలపై ఫోకస్ చేస్తున్నారు. మారుతి డైరెక్షన్‌లో తెరకెక్కుతున్న రాజా సాబ్ సినిమా షూటింగ్ చివరి దశలో ఉంది. హారర్ కామెడీగా వస్తున్న ఈ చిత్రం దసరాకు రిలీజ్ అయ్యే ఛాన్స్ ఉంది. మరోవైపు హను రాఘవపూడి డైరెక్షన్‌లో పీరియాడిక్ యాక్షన్ డ్రామా కూడా తెరకెక్కుతోంది.
అలాగే ప్రభాస్ చేతిలో సలార్ 2, కల్కి 2898 AD పార్ట్ 2, స్పిరిట్ వంటి భారీ బడ్జెట్ సినిమాలు ఉన్నాయి. వీటన్నింటికీ ప్రీ ప్రొడక్షన్, షూటింగ్, రిలీజ్ తేదీలపై మరిన్ని అప్‌డేట్స్ త్వరలోనే వచ్చే అవకాశముంది. ఇక ప్రభాస్ ఇటలీ నుంచి రాగానే బిజీ షెడ్యూల్ ప్రారంభం కానుంది.