పవర్ స్టార్ పవన్ కళ్యాణ్ పుట్టినరోజు సందర్భంగా విడుదలైన ఓజీ గ్లింప్స్ తెలుగు ప్రేక్షకులనే కాదు, ఉత్తరాదిలోని ఫ్యాన్స్‌ను కూడా బాగా ఆకట్టుకుంది. ఇంకా ట్రైలర్ రాకముందే గ్లింప్స్ పాజిటివ్ బజ్ తెచ్చుకోవడం విశేషం. ముఖ్యంగా బాలీవుడ్ మార్కెట్‌లో కూడా ఈ సినిమాను విడుదల చేయాలని అభిమానులు పెద్ద ఎత్తున కోరుతున్నారు.
ఈ సినిమాలో ఇమ్రాన్ హష్మీ విలన్‌గా నటించడం ఉత్తరాది మార్కెట్‌కు అదనపు బలాన్నిస్తోంది. ఆయనకు పెద్దగా క్రేజ్ లేకపోయినా, తనకున్న ఇమేజ్ వల్ల ఒక వర్గం ఆడియన్స్ ఈ సినిమాను గమనించే అవకాశం ఉంది. గ్లింప్స్‌లో ఆయన పాత్రను సుజీత్ పవర్‌ఫుల్‌గా ప్రెజెంట్ చేయడం నార్త్ మార్కెట్‌లో బజ్ పెంచుతోంది.
మరోవైపు, హరిహర వీరమల్లు సినిమా పాత కథ కావడంతో పెద్దగా ఆకట్టుకోలేదని కొందరు అభిమానులు వ్యాఖ్యానించారు. కానీ ఓజీ మాత్రం స్టైలిష్ ప్రెజెంటేషన్, యాక్షన్ ఎలిమెంట్స్‌తో నేటి యువతను ఆకర్షించే ప్రాజెక్ట్‌గా కనిపిస్తోంది. దీంతో పాన్ ఇండియా స్థాయిలో హిందీ రిలీజ్ తప్పనిసరిగా చేయాలంటూ డిమాండ్ జోరందుకుంది.
డివివి దానయ్య భారీ బడ్జెట్‌తో నిర్మిస్తున్న ఈ సినిమా సెప్టెంబర్ 25న విడుదల కానుంది. ప్రియాంక మోహన్ హీరోయిన్‌గా నటిస్తుండగా, అర్జున్ దాస్, శ్రియా రెడ్డి ఇతర కీలక పాత్రల్లో కనిపించనున్నారు. థమన్ సంగీతం ఇప్పటికే అదనపు హైప్ తెచ్చింది.