
యంగ్ టైగర్ ఎన్టీఆర్, ‘KGF’ సృష్టికర్త ప్రశాంత్ నీల్ కాంబినేషన్లో వస్తున్న భారీ యాక్షన్ ఫిల్మ్ ‘డ్రాగన్’ (వర్కింగ్ టైటిల్) శరవేగంగా షూటింగ్ జరుపుకుంటోంది. తాజా సమాచారం ప్రకారం, ఈ సినిమా తదుపరి షెడ్యూల్ కోసం చిత్ర బృందం విదేశాలకు వెళ్లేందుకు సిద్ధమవుతోంది.
నవంబర్ మూడో వారం నుంచి యూరప్లో ఓ కీలక షెడ్యూల్ను ప్లాన్ చేసినట్లు ఇండస్ట్రీ వర్గాల్లో టాక్ నడుస్తోంది. ఇందుకోసం మేకర్స్ ఇప్పటికే ఏర్పాట్లు ప్రారంభించారు.
ఈ సినిమా కోసం ఎన్టీఆర్ తన కెరీర్లోనే మునుపెన్నడూ లేనంతగా, పూర్తి స్లిమ్ లుక్లోకి మారారు. ఈ మేకోవర్ కోసం ఆయన తీవ్రంగా శ్రమిస్తున్నారు. ‘సలార్’ తర్వాత ప్రశాంత్ నీల్, తారక్ను సరికొత్త అవతారంలో చూపించి ఫ్యాన్స్ను సర్ప్రైజ్ చేసేందుకు సిద్ధమవుతున్నారు.
‘RRR’, ‘దేవర’ తర్వాత ఎన్టీఆర్ చేసిన బాలీవుడ్ ఎంట్రీ ‘వార్ 2’ ఆశించిన విజయాన్ని అందుకోలేకపోయింది. ఈ నేపథ్యంలో ‘డ్రాగన్’ విజయం తారక్కు పాన్-ఇండియా స్థాయిలో అత్యంత కీలకంగా మారింది.
ఈ చిత్రాన్ని మైత్రీ మూవీ మేకర్స్ సంస్థ భారీ బడ్జెట్తో నిర్మిస్తోంది. కన్నడ నటి రుక్మిణీ వసంత్ ఈ సినిమాలో హీరోయిన్గా నటిస్తున్నారు.
ప్రస్తుతం సినిమా షూటింగ్ వేగంగా జరుగుతుండగా, మేకర్స్ ఈ చిత్రాన్ని వచ్చే ఏడాది (2026) జూన్లో ప్రపంచవ్యాప్తంగా విడుదల చేసేందుకు సన్నాహాలు చేస్తున్నారు.
