అక్కినేని నాగార్జున కెరీర్లో ప్రత్యేక మైలురాయిగా నిలిచే 100వ సినిమా త్వరలో ప్రారంభం కానుంది. ఈ నెల 29న ఆయన పుట్టినరోజు సందర్భంగా మేకర్స్ అధికారిక ప్రకటన చేయనున్నారు. ఆర్. కార్తీక్ దర్శకత్వం వహించబోతున్న ఈ యాక్షన్ ఎంటర్టైనర్ వచ్చే ఏడాది విడుదల కావడానికి సిద్ధమవుతోంది.
అయితే, ఈ మైలురాయిని అందుకోవడంలో నాగార్జునకు ఎన్నో సవాళ్లు ఎదురుగా నిలుస్తున్నాయి. ఇటీవల ఆయన చేసిన కొన్ని సినిమాల్లో ముఖ్యంగా సపోర్టింగ్ రోల్స్లో చనిపోవడం అభిమానులకు నచ్చలేదు. ఆ అసంతృప్తిని తొలగించడం ఒక పెద్ద పరీక్షగా మారింది.
అదే సమయంలో దర్శకుడు ఆర్. కార్తీక్ పెద్దగా ఫామ్లో లేని కొత్త దర్శకుడు కావడం కూడా రిస్క్గా కనిపిస్తోంది. ఆయన ముందు చేసిన సినిమా గుర్తుండని స్థాయిలో ఉండటంతో అభిమానుల్లో సందేహాలు వ్యక్తమవుతున్నాయి. ఇంత పెద్ద మైలురాయిని కొత్త దర్శకుడి చేతుల్లో పెట్టడం ధైర్య నిర్ణయమే.
ఇక ఇతర స్టార్ హీరోల వందో సినిమాలు పెద్ద హిట్లుగా నిలవలేదు. చిరంజీవి త్రినేత్రుడు, బాలకృష్ణ గౌతమీపుత్ర శాతకర్ణి ఉదాహరణలు. కాబట్టి నాగార్జున ఈ బారియర్ను బద్దలుకొట్టగలడా అనేది సస్పెన్స్గా ఉంది.
గత కొన్నేళ్లలో నాగార్జున హీరోగా బ్లాక్బస్టర్స్ ఇచ్చినవి రెండు మూడు మాత్రమే. అయినా అభిమానులు ఇప్పుడు మరింత పెద్ద స్థాయిలో ఇండస్ట్రీ హిట్ కోరుకుంటున్నారు.