ఎన్టీఆర్, ప్రశాంత్ నీల్ కాంబినేషన్‌లో తెరకెక్కుతోన్న భారీ ప్రాజెక్ట్ ‘డ్రాగన్’ ప్రస్తుతం టాలీవుడ్‌లో హాట్ టాపిక్‌గా మారింది. మైత్రి మూవీ మేకర్స్, ఎన్టీఆర్ ఆర్ట్స్ సంయుక్తంగా నిర్మిస్తున్న ఈ పాన్ ఇండియా యాక్షన్ డ్రామా షూటింగ్ శరవేగంగా కొనసాగుతోంది. ఎన్టీఆర్ ఇందులో ఓ పవర్‌ఫుల్ పాత్రలో కనిపించనున్నాడు.
ఈ సినిమాలో హీరోయిన్‌గా కన్నడ బ్యూటీ రుక్మిణి వసంత్ ఎంపికైన సంగతి తెలిసిందే. ఆమె పాత్ర కథలోకు ఎమోషనల్ డెప్త్‌ను తీసుకురావడం విశేషం. అయితే తాజాగా ఈ చిత్రానికి సంబంధించి మరో ఆసక్తికర అప్డేట్ బయటికొచ్చింది. స్టార్ హీరోయిన్ రష్మిక మందన్న ఈ సినిమాలో స్పెషల్ రోల్ చేస్తున్నట్లు టాక్.
ఈ పాత్ర చిన్నదైనా కథలో కీలక మలుపు తెచ్చేలా ఉంటుందని సమాచారం. రష్మిక క్యారెక్టర్ స్టోరీలో యూ టర్న్‌గా మారే అవకాశం ఉందని ఇన్‌సైడ్ టాక్. పుష్ప 2, యానిమల్ వంటి భారీ ప్రాజెక్టులతో దూసుకెళ్తున్న రష్మికకు ఇది మరో ప్రెస్టిజియస్ అవకాశమవుతుందని అభిమానులు భావిస్తున్నారు.
‘డ్రాగన్’ 2025 సమ్మర్ రిలీజ్ కోసం ప్లాన్ చేస్తున్నారు. తెలుగు, హిందీ, తమిళ, కన్నడ భాషల్లో ఈ మూవీ భారీ స్థాయిలో విడుదల కానుంది.