తెలంగాణ: రాజకీయాల్లో బీఆర్ఎస్ మరోసారి తన స్థానాన్ని పదిలం చేసుకునేందుకు ప్రయత్నాలు మొదలుపెట్టింది. పార్టీకి 25 ఏళ్లు పూర్తవుతుండటంతో ఈ నెల 27న వరంగల్‌లో సిల్వర్ జూబ్లీ వేడుకలను భారీగా నిర్వహించేందుకు రంగం సిద్ధమవుతోంది.
గత రెండు ఎన్నికల్లో పరాజయం తర్వాత ఈ వేడుకలే బీఆర్ఎస్‌కు రీబిల్డ్ ప్లాట్‌ఫామ్ కావాలని అధినేత కేసీఆర్ భావిస్తున్నారు.
చివరి కొన్ని నెలలుగా పౌరజనాల్లో కనిపించని కేసీఆర్‌కి ఇది మళ్లీ ప్రజల్లోకి ప్రవేశించేందుకు పెద్ద అవకాశం. పార్టీ కార్యకర్తలకు ఊరట కలిగించడమే కాక, కొత్త దిశలో పార్టీని నడిపించేందుకు వీలుగా ఈ వేడుకలు మారనున్నాయని పార్టీ వర్గాలు చెబుతున్నాయి. సభలో కీలక ప్రకటనలు చేసే అవకాశం ఉందని సమాచారం.
అయితే వరంగల్‌లో సెక్షన్ 30 అమలులో ఉండటంతో సభకు అనుమతులపై స్పష్టత లేదు. పోలీసుల స్పందన లేకపోవడంతో బీఆర్ఎస్ హైకోర్టును ఆశ్రయించే యోచనలో ఉంది. అనుమతుల కోసం ప్రయత్నాలు వేగంగా జరుగుతున్నాయి.
ఐపీఎల్ హీట్ మధ్యలో పార్టీ శ్రేణుల్లో ఉత్సాహం నింపే ఈ వేడుకలు, బీఆర్ఎస్‌కు గేమ్‌చేంజర్ కావచ్చని నేతలు భావిస్తున్నారు. నాలుగు కమిటీలతో ఏర్పాట్లు శరవేగంగా సాగుతున్నాయి.
ఈ వేడుకలతో కేసీఆర్ మళ్లీ తన నాయకత్వాన్ని ప్రజలకు రుజువు చేయగలడా? బీఆర్ఎస్ మరలా పుంజుకుంటుందా? అన్నది వేచి చూడాల్సిన అంశమే.