కాంతారా ఫ్యాన్స్‌కు మళ్లీ ఊరట లభించింది. రిషబ్ శెట్టి దర్శకత్వంలో రూపొందుతున్న కాంతారా: చాప్టర్ 1 రిలీజ్ వాయిదా పడిందన్న వార్తలపై హోంబలే ఫిలింస్ క్లారిటీ ఇచ్చింది. షెడ్యూల్ ప్రకారమే షూటింగ్ కొనసాగుతోందని, అక్టోబర్ 2నే సినిమా విడుదల అవుతుందని స్పష్టం చేశారు.
సినిమా యూనిట్ ప్రకారం, అడవి నేపథ్యం, మిస్టిక్ డెవైన్ థీమ్‌తో రూపొందుతున్న ఈ ప్రీక్వెల్ భారీ స్థాయిలో నిర్మితమవుతోంది. మొదటి పార్ట్‌తో దేశవ్యాప్తంగా గుర్తింపు పొందిన రిషబ్ ఈసారి మరింత డీప్ ఎమోషనల్ టోన్‌ చూపించనున్నాడు.
రీసెంట్‌గా కొన్ని యూట్యూబ్ ఛానల్స్‌లో “వాయిదా” వార్తలు రావడంతో ఫ్యాన్స్ గందరగోళానికి లోనయ్యారు. దీనిపై స్పందించిన హోంబలే ఫిలింస్.. అన్ని కార్యక్రమాలు సమయానుసారంగా జరుగుతున్నాయనీ, త్వరలో టీజర్/ట్రైలర్ అప్‌డేట్ రానుందని తెలిపారు.
అక్టోబర్ రిలీజ్‌ను డేట్‌గా ప్రకటించడం సినిమాపై మళ్లీ ఆసక్తిని పెంచింది. ఇక ముందు అప్‌డేట్ల కోసం అభిమానులు ఆసక్తిగా ఎదురుచూస్తున్నారు.
పాన్ ఇండియా స్థాయిలో రిలీజ్ కానున్న కాంతారా: చాప్టర్ 1 మళ్లీ కల్ట్ ఫాలోయింగ్‌ను రిపీట్ చేస్తుందా? బాక్సాఫీస్ వద్ద రిషబ్ మ్యాజిక్ కొనసాగుతుందా చూడాలి.