రాష్ట్ర రాజకీయాల్లో మార్పునకు దారితీసిన యువగళం పాదయాత్రను గుర్తు చేసుకునేలా నారా లోకేశ్ రూపొందించిన పుస్తకాన్ని ఆయన డిప్యూటీ సీఎం పవన్ కల్యాణ్కు అందజేశారు.
సచివాలయంలో జరిగిన క్యాబినెట్ సమావేశం సందర్భంగా పవన్తో పాటు ఇతర మంత్రులకు కూడా పుస్తకాన్ని అందించిన లోకేశ్, గత పాలనలో ప్రజలు ఎదుర్కొన్న బాధలను గుర్తు చేశారు.
ఈ సందర్భంగా మాట్లాడిన పవన్ కల్యాణ్, “యువగళం పాదయాత్ర ప్రజల్లో చైతన్యాన్ని రగిలించింది. రాక్షస పాలనపై నిరసనగా సాగిన ఆ ప్రయాణం, తీరుపై ఈ పుస్తకం మంచి దర్పణంగా నిలుస్తుంది” అన్నారు.
గత ప్రభుత్వ పాలనలో ప్రజలు ఎదుర్కొన్న కష్టాలు ఇప్పటికీ మరవలేని పీడలుగా మిగిలాయని, ప్రజాస్వామ్యాన్ని తిరిగి పునరుద్ధరించడంలో యువగళం కీలక పాత్ర పోషించిందని ఆయన పేర్కొన్నారు.
లోకేశ్, తన యాత్రలో ఎదురైన అనుభవాలు, ప్రజల స్పందనను పవన్తో పంచుకుంటూ, త్వరలో పుస్తకాన్ని రాష్ట్రవ్యాప్తంగా విడుదల చేయనున్నట్టు సమాచారం.