విజయవాడ: దుబాయ్ విజయంతో ప్రేరణ Swarnandhra Vision 2047 ప్రకటన. విజయవాడలో జరిగిన ఇన్వెస్టోపియా గ్లోబల్ ఏపీ సమ్మిట్లో ఆంధ్రప్రదేశ్ ముఖ్యమంత్రి చంద్రబాబు నాయుడు ప్రసంగించారు.
ఎడారిని గ్లోబల్ హబ్‌గా మార్చిన దుబాయ్ అభివృద్ధి మోడల్‌పై ప్రశంసలు కురిపిస్తూ, ఆంధ్రప్రదేశ్‌ను కూడా వ్యూహాత్మక పెట్టుబడులు, సాంకేతిక ఆవిష్కరణలతో అదే మార్గంలో తీసుకెళ్లాలని సంకల్పం వ్యక్తం చేశారు.
చంద్రబాబు స్వర్ణాంధ్ర విజన్ 2047ను వివరించారు. 2047 నాటికి రాష్ట్రాన్ని $2.4 ట్రిలియన్ ఆర్థిక వ్యవస్థగా మార్చి, ప్రతి వ్యక్తి ఆదాయాన్ని $42,000కి పెంచడమే లక్ష్యమని తెలిపారు.
సంవత్సరానికి 15% వృద్ధి సాధించేందుకు అధునాతన మౌలిక సదుపాయాలు, ఇన్వెస్టర్ ఫ్రెండ్లీ పాలసీలను వినియోగించనున్నారు.
గ్లోబల్ భాగస్వామ్యాలు : Swarnandhra Vision 2047
ఈ సమ్మిట్లో లులూ గ్రూప్ విజయవాడ, విశాఖపట్నంలో మాల్స్ ఏర్పాటు చేయనున్నట్లు హామీ ఇచ్చింది.
గూగుల్‌తో డేటా సెంటర్ ప్రాజెక్టు, బిల్ & మెలిండా గేట్స్ ఫౌండేషన్‌తో ఆరోగ్య రంగంలో భాగస్వామ్యం కూడా ప్రాధాన్యం పొందాయి.
గ్రీన్ ఎనర్జీ లక్ష్యం
2030 నాటికి ఆంధ్రప్రదేశ్‌ను భారతదేశపు మొదటి గ్రీన్ హైడ్రోజన్ వ్యాలీగా తీర్చిదిద్దాలని చంద్రబాబు చెప్పారు.
2029 నాటికి రూ.10 లక్షల కోట్ల గ్రీన్ ఎనర్జీ పెట్టుబడులు, 160 గిగావాట్ల రిన్యూవబుల్ సామర్థ్యం సాధించడం లక్ష్యం.
క్వాంటం కంప్యూటింగ్ వ్యాలీ
2026 జనవరి నాటికి అమరావతిలో భారతదేశపు మొదటి క్వాంటం కంప్యూటింగ్ వ్యాలీని స్థాపించనున్నట్లు సీఎం ప్రకటించారు.
టీసీఎస్, ఐబీఎం, ఎల్ & టీతో భాగస్వామ్యంగా ఈ ప్రాజెక్ట్ ఆరోగ్యం, ఎనర్జీ, తయారీ రంగాల్లో నూతన ఆవిష్కరణలకు దోహదం చేయనుంది.
మౌలిక సదుపాయాలు మరియు కనెక్టివిటీ
విస్తారమైన తీరప్రాంతం, పోర్టులు, ఎయిర్‌పోర్టులు, హైవేలు ఉండడంతో ఏపీని లాజిస్టిక్స్ హబ్‌గా తీర్చిదిద్దే ప్రయత్నం చేస్తున్నారు.
ఖర్చులను తగ్గించేందుకు అంతర్గత నీటి మార్గాలను కూడా వినియోగించనున్నారు. రాష్ట్రపు ఖనిజ సంపద, పర్యాటక అవకాశాలు పెట్టుబడిదారులను ఆకర్షిస్తున్నాయి.
డిజిటల్ గవర్నెన్స్
WhatsApp Governance ప్లాట్‌ఫారమ్‌ ద్వారా 575 సేవలు అందుబాటులో ఉన్నాయని, 2025 ఆగస్టు 15 నాటికి అన్ని సేవలను ఆన్‌లైన్‌లో అందించనున్నట్లు సీఎం తెలిపారు.
Ease of Doing Business నుంచి Speed of Doing Business వైపు మార్పు లక్ష్యమని చెప్పారు.
గ్లోబల్ సహకారం మరియు యుఎఇ బంధాలు
యుఎఇ జనాభాలో 40% మంది భారతీయులే అని పేర్కొన్న చంద్రబాబు, దుబాయ్ మోడల్ ద్వారా సంక్షోభాలను అవకాశాలుగా మార్చుకోవచ్చని అన్నారు.
2025 పెట్టుబడి లక్ష్యం
2025లో $120 బిలియన్ పెట్టుబడులను ఆకర్షించాలన్నది ఏపీ లక్ష్యం. Public-Private-People (P4) మోడల్ ద్వారా ఈ ప్రయోజనాలు సాధించనున్నారు.