న్యూస్ డెస్క్: రాష్ట్రంలో భూ సమస్యల పరిష్కారంపై జాప్యం కొనసాగుతున్న నేపథ్యంలో ముఖ్యమంత్రి చంద్రబాబు రెవెన్యూ శాఖపై తీవ్ర అసంతృప్తి వ్యక్తం చేశారు. శుక్రవారం సచివాలయంలో జరిగిన సమీక్ష సమావేశంలో అధికారుల పనితీరుపై ఆయన మండిపడ్డారు.
తహసీల్దార్ కార్యాలయాల్లో వేలాది అర్జీలు పెండింగ్‌లో ఉండటంపై ఆగ్రహం వ్యక్తం చేసిన సీఎం, ప్రజల్లో ప్రభుత్వంపై నమ్మకాన్ని పెంచాలంటే రెవెన్యూ సేవలు వేగంగా అందాలని స్పష్టం చేశారు.
గత ప్రభుత్వ పాలనలో తలెత్తిన అవ్యవస్థలే భూ వివాదాలకు మూలంగా నిలిచాయని ఆరోపించిన చంద్రబాబు, “ఈసారి కేవలం ఊహించుకునే మార్పులు కాదు.. వ్యవస్థ మారాల్సిందే” అన్నారు.
మహానాడులో ఇచ్చిన హామీ ప్రకారం ఏడాదిలోగా భూ సమస్యలు పరిష్కరించే విధంగా చర్యలు తీసుకోవాలని సీఎం అధికారులను ఆదేశించారు.
సిబ్బంది కొరత, అధిక పనిభారం వంటి అంశాలపై ప్రభుత్వం అర్థవంతంగా స్పందించనున్నట్లు సమాచారం. టెక్నాలజీ వినియోగం ద్వారా రెవెన్యూ సేవలను సమర్థవంతంగా అందించాలని భావిస్తున్నారు.
ఈ సమీక్ష తర్వాత సీఎం చంద్రబాబు కీలక ఆదేశాలు జారీ చేసే అవకాశం ఉందని సమాచారం అందుతోంది.