న్యూస్ డెస్క్: బెంగళూరులో జరిగిన తొక్కిసలాట దుర్ఘటనతో ఐపీఎల్ విజయం క్షణాల్లో విషాదంగా మారింది. చిన్నస్వామి స్టేడియం వద్ద జరిగిన వేడుకలో 11 మంది మృతి చెందారు.
తాజా సమాచారం ప్రకారం, ఈ వేడుకకు ముందుగానే అనుమతి ఇవ్వలేదని తెలుస్తోంది. కర్ణాటక క్రికెట్ అసోసియేషన్ జూన్ 3న అధికారికంగా అనుమతి కోరినప్పటికీ, పోలీసుల నుంచి స్పష్టత లేకపోవడంతో గందరగోళం నెలకొందని తెలుస్తోంది.
పోలీసులు “వారాంతంలో కాకుండా వాయిదా వేసుకోవాలి” అని సూచించినా, విదేశీ ఆటగాళ్లు వెళ్లిపోతారని చెప్పి నిర్వాహకులు ఖాతరు చేయలేదు. ఫలితంగా అసంఖ్యాకమైన అభిమానులు వస్తారని ముందుగా అంచనా వేయకపోవడం విషాదానికి దారితీసింది.
ప్రమాదం తర్వాత విచారణకు ఆదేశించినా, బాధ్యత వహించాల్సినవారు ఎవరు? అనే ప్రశ్న మిగిలింది. కేవలం విజయోత్సవం కోసమే ప్రాణాల బలంగా మారిందన్న విమర్శలు వినిపిస్తున్నాయి.
ప్రజలు బాధిత కుటుంబాలకు న్యాయం కోరుతున్నారు. అనుమతి లేకుండా చెలరేగిన ఈ వేడుక పాలక వ్యవస్థల మధ్య సమన్వయం లేనిదే దుర్ఘటనకు దారి తీసింది.