స్పోర్ట్స్ డెస్క్: RCB vs LSG: ఐపీఎల్ 2025 సీజన్‌లో రాయల్‌ ఛాలెంజర్స్ బెంగళూరు (RCB) క్వాలిఫయర్‌-1కు అద్భుతంగా ప్రవేశించింది. లఖ్‌నవూ సూపర్ జెయింట్స్‌తో జరిగిన కీలక మ్యాచ్‌లో బెంగళూరు 6 వికెట్ల తేడాతో విజయం సాధించింది.
లక్ష్యంగా ఉంచిన 228 పరుగుల స్కోరును 18.4 ఓవర్లలోనే ఛేదించి రికార్డు స్థాయిలో ఆడింది. లఖ్‌నవూ తరఫున కెప్టెన్ రిషబ్ పంత్ అద్భుత శతకంతో (118 నాటౌట్) ఆకట్టుకున్నాడు. 61 బంతుల్లో 11 ఫోర్లు, 8 సిక్సులతో మెరుపులు మెరిపించాడు.
అయితే RCB ఓపెనర్లు కోహ్లీ (54), సాల్ట్ (26) మంచి ఆరంభాన్ని అందించారు. తర్వాత వచ్చిన జితేశ్ శర్మ (85 నాటౌట్; 33 బంతుల్లో 8 ఫోర్లు, 6 సిక్స్‌లు) సునామిలా ఆడి విజయం సాధించగలిగారు.
వికెట్లు కోల్పోయినా మయాంక్ అగర్వాల్ (41 నాటౌట్) కూల్‌గా ఆడి జితేశ్‌కు సహకరించాడు. 18వ ఓవర్‌లో రెండు ఫోర్లు, రెండు సిక్స్‌లు బాదిన జితేశ్ మ్యాచ్‌ను చక్కగా ముగించాడు.
ఈ విజయంలో కీలకంగా నిలిచిన జితేశ్, బెంగళూరును పంజాబ్‌తో జరిగే క్వాలిఫయర్‌-1కు తీసుకెళ్లాడు. జట్టు విజయంలో జితేశ్ విజృంభణ స్పెషల్ హైలైట్‌గా నిలిచింది. ఇక ఫైనల్ ఆశలు జీవించి ఉండాలంటే ఆర్సీబీకి ఇది భారీ నెగ్గింపు.