కేజీఎఫ్ తర్వాత రాకింగ్ స్టార్ యష్ నుంచి వచ్చే తదుపరి సినిమా టాక్సిక్ పై అంచనాలు ఆకాశాన్నంటుతున్నాయి. ఈ పాన్ ఇండియా చిత్రాన్ని గీతూ మోహన్ దాస్ డైరెక్ట్ చేస్తున్నా, యష్ స్వయంగా కొన్ని సన్నివేశాలను తానే పర్యవేక్షిస్తున్నాడనే వార్తలు ఫిలింనగర్లో వినిపిస్తున్నాయి.
ఆయన తన విజన్‌కు తగ్గట్టుగా కొన్ని పోర్షన్స్‌ను డైరెక్ట్ చేసినట్టు ఊహాగానాలు ఊపందుకున్నాయి. సినిమా స్కేలు, కంటెంట్‌పై యష్ పూర్తిగా ఇన్వాల్వ్ అవుతున్నాడని ఇండస్ట్రీ టాక్.
ప్రతి చిన్న అంశాన్ని తనే పర్సనల్‌గా చూసుకుంటూ, ఎలాంటి రాజీ పడకూడదనే కఠిన నిర్ణయంతో ఉన్నాడని చెబుతున్నారు. ఇంత జాగ్రత్తగా వ్యవహరించడం వలన ఈ సినిమా ఆయన కెరీర్‌లో కొత్త మైలురాయిగా నిలుస్తుందనే అంచనాలు వ్యక్తమవుతున్నాయి.
‘టాక్సిక్’ కథలో యాక్షన్, ఎమోషన్ మేళవింపు ఉండబోతోందని మేకర్స్ ఇప్పటికే సూచనలు ఇచ్చారు. ముఖ్యంగా యాక్షన్ ఎపిసోడ్‌లు అంతర్జాతీయ స్థాయిలో రూపొందుతున్నాయని సమాచారం. అభిమానులు మాత్రం ఈ సినిమా యష్ నుంచి మరొక సెన్సేషన్ అవుతుందని నమ్ముతున్నారు.
అంతేకాదు, యష్ ఇందులో కొత్త లుక్‌లో కనిపించనున్నాడని, ఆ లుక్‌కి సంబంధించిన స్నిప్పెట్లు విడుదలైన వెంటనే సోషల్ మీడియాలో ట్రెండ్ అయ్యే అవకాశం ఉందని భావిస్తున్నారు. ఆయన స్టైలిష్ అవతార్ కోసం ప్రేక్షకులు ఎంతో ఆతృతగా ఎదురుచూస్తున్నారు.