న్యూస్ డెస్క్: టాటా మోటార్స్ ఐకానిక్ ఎస్యూవీ ‘టాటా సియారా’ రెండు దశాబ్దాల తర్వాత ఇండియన్ మార్కెట్లో మళ్లీ అడుగుపెట్టింది. కంపెనీ దీని ప్రారంభ ఎక్స్-షోరూమ్ ధరను ₹11.49 లక్షలుగా ప్రకటించింది. క్లాసిక్ డిజైన్కు ఆధునిక టెక్నాలజీ భద్రతా ఫీచర్లను జోడించి ఈ మిడ్-సైజ్ ఎస్యూవీని హాట్ టాపిక్గా నిలపాలని టాటా లక్ష్యంగా పెట్టుకుంది.
సియారా బుకింగ్లు డిసెంబర్ 16, 2025 నుంచి డీలర్షిప్లు ఆన్లైన్ ప్లాట్ఫార్మ్ల ద్వారా ప్రారంభమవుతాయి. 2026 జనవరి మధ్య నుంచి దశలవారీగా కస్టమర్లకు డెలివరీలు మొదలయ్యే అవకాశం ఉంది.
కొత్త సియారాలో 1.5 లీటర్ నాచురల్లీ యాస్పిరేటెడ్ పెట్రోల్, 1.5 లీటర్ టర్బో పెట్రోల్, 1.5 లీటర్ టర్బో డీజిల్ అనే మూడు ఇంజిన్ ఎంపికలు అందుబాటులో ఉంటాయి. టర్బో పెట్రోల్ ఇంజిన్ 160 PS పవర్ను ఉత్పత్తి చేస్తుంది.
ఈ కారులో పెద్ద పరిమాణం ఉన్న పనోరమిక్ సన్రూఫ్, అధునాతన ఇన్ఫోటైన్మెంట్, ప్రీమియం ఆడియో సిస్టమ్, కనెక్టెడ్ కార్ టెక్నాలజీ వంటి లగ్జరీ ఫీచర్లు అందుబాటులో ఉంటాయి. ఇంటీరియర్ స్పేస్ కంఫర్ట్ను కొత్త బెంచ్మార్క్గా నిలపాలని టాటా భావిస్తోంది.
భద్రత విషయంలో సియారా 6 ఎయిర్బ్యాగులు, ఎలక్ట్రానిక్ స్టెబిలిటీ కంట్రోల్, లెవల్-2 ఏడీఏఎస్ వంటి సరికొత్త ఫీచర్లను అందిస్తుంది. ఇది భారత్ NCAPలో ఉత్తమ రేటింగ్ సాధించాలనే లక్ష్యంతో బలమైన బాడీ స్ట్రక్చర్తో డిజైన్ చేయబడింది.
ధర ఫీచర్ల పరంగా టాటా సియారా ప్రధానంగా హ్యుందాయ్ క్రెటా, కియా సెల్టోస్, మారుతీ గ్రాండ్ విటారా వంటి ఎస్యూవీలకు గట్టిపోటీ ఇవ్వనుంది. టాటా బ్రాండ్కు ఉన్న భద్రతా ఇమేజ్ ఈ పోటీలో ప్లస్గా మారుతుంది.