కోలీవుడ్ స్టార్ హీరో సూర్య, దర్శకుడు కార్తీక్ సుబ్బరాజ్ కాంబినేషన్‌లో రూపొందిన “రెట్రో” సినిమా మీద భారీ అంచనాలు నెలకొన్నాయి. పూజా హెగ్డే హీరోయిన్‌గా నటించిన ఈ చిత్రం, సూర్య అభిమానులకు ఒక సాలిడ్ మాస్ ట్రీట్‌గా అనిపించింది. అయితే, సినిమా విడుదలైన తర్వాత టాక్ మాత్రం పూర్తిగా పాజిటివ్‌గా మారలేకపోయింది.
క్రిటిక్స్ టాక్ కాస్త మిశ్రమంగా ఉన్నప్పటికీ, డే 1 వసూళ్ల పరంగా “రెట్రో” బాక్సాఫీస్ వద్ద మంచి శాటింగ్ తీసుకుంది. తమిళనాడులో ఫస్ట్ డే గ్రాస్ ₹17.75 కోట్లుగా నమోదైందని పీఆర్ వర్గాలు చెబుతున్నాయి. ఇది సూర్య కెరీర్‌లో టాప్ ఓపెనింగ్స్‌లో ఒకటిగా నిలిచింది.
విజువల్స్, బ్యాక్‌గ్రౌండ్ స్కోర్, సూర్య రిఫ్రెషింగ్ లుక్ సినిమాకి ప్లస్ పాయింట్స్‌ కాగా, స్క్రీన్‌ప్లే రొటీన్, భావోద్వేగాల లోపం కొంతమంది ప్రేక్షకులను నిరాశపరిచాయి.
సంతోష్ నారాయణన్ అందించిన సంగీతం మాత్రం ప్రేక్షకులను ఎట్రాక్ట్ చేస్తోంది. ఇక సూర్య, జ్యోతిక కలిసి నిర్మించిన ఈ చిత్రానికి ప్రమోషన్లలో మంచి స్పీడ్ ఉంది. మొత్తానికి “రెట్రో” ఓపెనింగ్స్ బాగానే ఉన్నప్పటికీ, మౌత్ టాక్ ఎలా మారుతుందన్నదే ఇప్పుడు హాట్ టాపిక్ గా మారింది.