న్యూస్ డెస్క్: తెలంగాణలో ఇటీవల పార్టీ మారిన ఎమ్మెల్యేల అనర్హతపై దాఖలైన పిటిషన్‌పై సుప్రీంకోర్టు కీలక తీర్పు వెలువరించింది. సీఎం చంద్రచూడ అద్భుతంగా చర్చించగా, ప్రధాన న్యాయమూర్తి బీఆర్ గవాయ్ నేతృత్వంలోని ధర్మాసనం స్పష్టమైన ఆదేశాలు జారీ చేసింది.
ఈ అంశంలో స్పీకర్ మూడు నెలల్లో తుది నిర్ణయం తీసుకోవాలని స్పష్టం చేసింది. ఈ కేసు నేపథ్యాన్ని చూస్తే, గత ఎన్నికల్లో బీఆర్ఎస్ పార్టీ తరపున గెలిచిన 10 మంది ఎమ్మెల్యేలు ఇటీవల కాంగ్రెస్ పార్టీలో చేరారు.
దీనిపై బీఆర్ఎస్ పార్టీ వారిని అనర్హులుగా ప్రకటించాలని స్పీకర్‌కు విజ్ఞప్తి చేసింది. అయితే స్పీకర్ ఎటువంటి నిర్ణయం తీసుకోకపోవడంతో ఈ వివాదం కోర్టుల దాకా చేరింది.
తెలంగాణ హైకోర్టు డివిజన్ బెంచ్ మొదట స్పీకర్‌ను నాలుగు వారాల్లో నిర్ణయం ప్రకటించాలన్న ఆదేశాలు ఇచ్చింది. అయితే స్పీకర్ హైకోర్టుకు ఆ అధికారం లేదని అభిప్రాయపడటంతో, ఈ వ్యవహారం సుప్రీంకోర్టు వరకు వెళ్లింది.
తాజాగా సుప్రీంకోర్టు దీనిపై తీర్పు చెబుతూ, న్యాయస్థానమే అనర్హతపై తుది నిర్ణయం తీసుకోవాలని అభ్యర్థించిన పిటిషనర్ల విజ్ఞప్తిని తిరస్కరించింది. ‘ఆపరేషన్ సక్సెస్, పేషెంట్ డెడ్’ అనే పరిస్థితి తలెత్తకుండా చూడాలని కోర్టు వ్యాఖ్యానించింది. చివరికి, స్పీకర్ మూడు నెలల్లో నిర్ణయం తీసుకోవాలని స్పష్టంగా ఆదేశించింది.
ఈ తీర్పుతో తెలంగాణ రాజకీయాల్లో కీలక పరిణామాలు చోటుచేసుకోనున్నాయి. పార్టీ మారిన ఎమ్మెల్యేల భవితవ్యం త్వరలో తేలనున్నట్టు అనిపిస్తోంది.