న్యూస్ డెస్క్: విజయ్ హజారే ట్రోఫీలో రోహిత్ శర్మ విరాట్ కోహ్లీ ఆడబోతున్నారని తెలియగానే ఫ్యాన్స్ ఖుషీ అయ్యారు. అయితే వారు ఇష్టపూర్వకంగా ఆడుతున్నారా లేక వరల్డ్ కప్ కోసం బీసీసీఐ బలవంతం చేసిందా అనే చర్చ మొదలైంది. దీనిపై బోర్డు నుంచి ఒక అనూహ్యమైన ప్రకటన వచ్చింది.
మేము ఎవరినీ బలవంతం చేయలేదని, దేశవాళీ క్రికెట్ ఆడాలనేది పూర్తిగా వారి వ్యక్తిగత నిర్ణయమని బీసీసీఐ అధికారి ఒకరు స్పష్టం చేశారు. వన్డే కెరీర్ కొనసాగించాలంటే విజయ్ హజారే టోర్నీ ఆడాల్సిందేనని బోర్డు కండీషన్ పెట్టిందనే వార్తల్లో నిజం లేదని తేలిపోయింది.
“మేము వాళ్లను అడగలేదు, వాళ్లే ఆ నిర్ణయం తీసుకున్నారు” అని సదరు అధికారి చెప్పారు. ఖాళీ సమయం దొరికినప్పుడు డొమెస్టిక్ మ్యాచ్లు ఆడటం మంచిదని మేనేజ్మెంట్ భావిస్తోంది. ఆస్ట్రేలియా పర్యటన తర్వాత రంజీ ట్రోఫీ ఆడటానికి కూడా కోచ్ గౌతమ్ గంభీర్ సెలెక్టర్ అజిత్ అగార్కర్ ప్రోత్సాహమే కారణం.
ఇటీవల సౌతాఫ్రికాతో జరిగిన వన్డే సిరీస్లో ఈ ఇద్దరు సీనియర్లు అదరగొట్టారు. జట్టు విజయాల్లో కీలక పాత్ర పోషించారు. వీరి ఫామ్ చూసి కోచ్ గంభీర్ కూడా ప్రశంసల వర్షం కురిపించారు. డ్రెస్సింగ్ రూమ్లో వారి అనుభవం చాలా అవసరమని గంభీర్ అన్నారు.
సీనియర్లు స్వచ్ఛందంగా వచ్చి ఆడుతుండటం యువ ఆటగాళ్లకు ఆదర్శంగా నిలుస్తోంది. క్రికెట్ పట్ల వారికున్న అంకితభావానికి ఇది నిదర్శనం. రోహిత్, కోహ్లీ రాకతో విజయ్ హజారే ట్రోఫీకి గ్లామర్ పెరగనుంది.