తమిళ సూపర్ స్టార్ రజినీకాంత్ ప్రస్తుతం ‘కూలీ’ సినిమాతో ఫ్యాన్స్ను కలవడానికి సిద్ధమవుతున్నాడు. దర్శకుడు లోకేష్ కనగరాజ్ తెరకెక్కించిన ఈ ప్రాజెక్ట్ పూర్తి యాక్షన్ ఎంటర్టైనర్గా రూపుదిద్దుకుంది. ఇప్పటికే విడుదలైన పోస్టర్లు, టీజర్ సినిమాపై భారీ అంచనాలను పెంచాయి.
అయితే, ఈ సినిమా ఇంకా విడుదల కాకముందే రజినీ మరో ప్రాజెక్ట్కు ఓకే చెప్పేశాడట. ఇది ఆయన కెరీర్లో స్పీడ్ ఇంకా తగ్గలేదని చూపిస్తోంది. ఏ ప్రాజెక్ట్నే అయినా ఎనర్జీతో చేయడం ఆయన ప్రత్యేకతగా మారింది.
డైరెక్టర్ యాక్టర్ శశికుమార్ ఇటీవల ‘టూరిస్ట్ ఫ్యామిలీ’ సినిమాతో బ్లాక్బస్టర్ సాధించాడు. ఈ విజయంతో ఆయనకు మంచి క్రేజ్ వచ్చింది. తన నెక్స్ట్ ప్రాజెక్ట్ను స్వయంగా డైరెక్ట్ చేయాలని నిర్ణయించుకున్నాడు.
ఈ క్రమంలో రజినీకాంత్ కోసం ఓ కొత్త కథ రాసి కొంతమేర వినిపించాడట. తలైవా ఆ కాన్సెప్ట్ నచ్చి వెంటనే గ్రీన్ సిగ్నల్ ఇచ్చేశాడని కోలీవుడ్ వర్గాల సమాచారం. ఇది రజినీ అభిమానుల్లో కొత్త ఉత్సాహాన్ని రేపింది.
శశికుమార్ ప్రస్తుతం కథను పూర్తిగా సిద్ధం చేస్తున్నాడు. ఆ తర్వాత సినిమా పనులను అధికారికంగా ప్రారంభించనున్నారు. ఈ ప్రాజెక్ట్ గురించి అధికారిక ప్రకటన త్వరలోనే వచ్చే అవకాశం ఉంది.
ఇకపోతే, రజినీకాంత్ ఇప్పటికే ‘జైలర్ 2’ ప్రాజెక్ట్ను నెల్సన్ డైరెక్షన్లో చేయడానికి సిద్ధమవుతున్నాడు. దీంతో వరుసగా రెండు సినిమాలతో తలైవా మరింత బిజీ అవనున్నాడు.