పవర్ స్టార్ పవన్ కళ్యాణ్ హీరోగా రూపొందుతున్న మోస్ట్ అవైటెడ్ గ్యాంగ్‌స్టర్ డ్రామా OG సినిమాపై క్రేజ్ రోజురోజుకీ పెరుగుతోంది. సుజీత్ డైరెక్షన్‌లో తెరకెక్కుతున్న ఈ సినిమాకు సంబంధించి తాజా హాట్ న్యూస్ ఒకటి ఇండస్ట్రీలో చర్చనీయాంశంగా మారింది.
ఇటీవల విడుదలైన పోస్టర్‌లు, అప్డేట్స్ సినిమాపై బజ్ పెంచగా, ఇప్పుడు ఈ సినిమాకి సంబంధించి ఉత్తరాంధ్ర, ఈస్ట్ గోదావరి డిస్ట్రిబ్యూషన్ రైట్స్‌ను జనసేన నేత, కాకినాడ ఎంపీ ఉదయ్ మరియు ప్రముఖ డిస్ట్రిబ్యూటర్ సత్యనారాయణ సొంతం చేసుకున్నట్లు టాక్.
ఈ రైట్స్‌కు సంబంధించి ధర ఇంకా బయటకు రాకపోయినా, ఇది భారీ మొత్తమేనని ట్రేడ్ వర్గాలు చెబుతున్నాయి. జనసేన రాజకీయ నేత ఈ డీల్‌లో భాగమవడం OG పై ఉన్న రాజకీయ, బిజినెస్ కంటెక్స్ట్‌ను మరింత ఆసక్తికరంగా చేస్తోంది.
OG ముంబై అండర్‌వర్‌ల్డ్ నేపథ్యంలో సాగే కథతో పవన్‌ను ఓ మాస్ లీడర్‌గా చూపించనుందని, ఈ సినిమా విడుదలైన వెంటనే బాక్సాఫీస్ రికార్డులు తిరగరాయనుందని అభిమానులు అంచనా వేస్తున్నారు.
వకీల్ సాబ్, భీమ్లా నాయక్‌ల్లా ఈ సినిమాకు ఈస్ట్ గోదావరి & ఉత్తరాంధ్రలో గ్రాండ్ ఓపెనింగ్స్ వచ్చే అవకాశాలే ఎక్కువగా కనిపిస్తున్నాయి. త్వరలో OG టీజర్ విడుదలపై అప్డేట్ రావొచ్చని టాక్.