యంగ్ టైగర్ ఎన్టీఆర్, మాస్ డైరెక్టర్ ప్రశాంత్ నీల్ కాంబినేషన్‌లో రాబోతున్న సినిమా డ్రాగన్ చుట్టూ క్రేజీ బజ్ పెరుగుతోంది. ఇప్పటివరకు ఈ మూవీపై అనేక రూమర్స్ వచ్చినప్పటికీ, తాజాగా వినిపిస్తున్న టాక్ అభిమానుల్లో మరింత ఆసక్తి రేపుతోంది.
ఈ సినిమాలో ఒక కీలక పాత్రను ప్రత్యేకంగా డిజైన్ చేస్తున్నారని సమాచారం. ముఖ్యంగా హిందీ వెర్షన్ కోసం ఓ బాలీవుడ్ స్టార్‌ని, తమిళ వెర్షన్ కోసం ఓ కోలీవుడ్ స్టార్‌ని ఆ పాత్రలో తీసుకోవాలన్న ఆలోచనలో మేకర్స్ ఉన్నారని టాక్ వినిపిస్తోంది. ఇది నిజమైతే డ్రాగన్ మల్టీ లాంగ్వేజ్ మార్కెట్లో మరింత బలంగా నిలబడే అవకాశం ఉంది.
ప్రశాంత్ నీల్ ఈ సినిమాకి స్క్రిప్ట్ వర్క్ కోసం ఎక్కువ టైమ్ తీసుకున్నాడు. ప్రతి సీక్వెన్స్‌లో కొత్తదనం ఉండేలా ప్లాన్ చేశారని ఫిలింనగర్ టాక్. ఇప్పటి వరకూ నీల్ చేసిన సినిమాల్లోకల్లా డ్రాగన్నే అతని మాస్టర్‌పీస్ అవుతుందని అంచనాలు ఉన్నాయి.
రామోజీ ఫిల్మ్ సిటీలో ఓ భారీ సెట్ వేశారని, అందులో హై ఆక్టేన్ యాక్షన్ సీక్వెన్స్ షూట్ చేయనున్నారని సమాచారం. రవి బస్రూర్ ఈ సినిమాలో సంగీతం అందిస్తున్నాడు. అతని బ్యాక్‌గ్రౌండ్ స్కోర్ కూడా సినిమాకి అదనపు బలాన్నిస్తుందనే నమ్మకం ఉంది.
మైత్రీ మూవీ మేకర్స్, ఎన్టీఆర్ ఆర్ట్స్ కలిసి ఈ సినిమాను నిర్మిస్తున్నారు. RRR తర్వాత ఎన్టీఆర్ చేస్తున్న పాన్ ఇండియా ప్రాజెక్ట్ కావడంతో అభిమానులు, ట్రేడ్ సర్కిల్స్ లో అంచనాలు గగనానికి చేరాయి. నిజంగానే హిందీ, తమిళ స్టార్‌లు చేరితే, ఈ ప్రాజెక్ట్ మరో స్థాయికి వెళ్లడం ఖాయం.