మూవీడెస్క్: ఎన్టీఆర్ నటించిన దేవర తొలి భాగం విడుదలయ్యాక, రెండో భాగంపై అనేక అనుమానాలు వ్యక్తమవుతున్నాయి.
సినిమా వసూళ్లు బాగానే వచ్చినా, కథనంపై మిశ్రమ స్పందన రావడంతో దేవర 2 ఉంటుందా లేదా? అనే ప్రశ్న ఇంకా క్లారిటీ రాలేదు.
అయితే, దర్శకుడు కొరటాల శివ మాత్రం సీక్వెల్ స్క్రిప్ట్‌పై ఇంకా పని చేస్తున్నట్లు టాక్ వినిపిస్తోంది.
ఇదిలా ఉండగా, ఎన్టీఆర్ ప్రస్తుతం వార్ 2 షూటింగ్‌లో బిజీగా ఉన్నాడు. ఈ హిందీ యాక్షన్ మూవీపై భారీ అంచనాలున్నాయి.
అనంతరం ప్రశాంత్ నీల్‌తో మరో భారీ ప్రాజెక్ట్ చేయబోతున్నాడు. ఈ లైనప్ చూస్తుంటే, దేవర 2 కూడా అదే స్థాయిలో ఉండాల్సిన అవసరం ఉంది.
కొరటాల శివ బాలీవుడ్ మార్కెట్‌ను టార్గెట్ చేసి, సినిమాలో రణ్వీర్ సింగ్ కోసం ఓ ప్రత్యేక పాత్రను డిజైన్ చేస్తున్నట్లు వార్తలు వస్తున్నాయి.
అయితే, ప్రాజెక్ట్ ఖరారవకముందే ఇలాంటి గుసగుసలు రావడం అభిమానుల్లో కొత్త సందేహాలు పెంచుతోంది.
అయితే ఎన్టీఆర్ ఇప్పటివరకు దేవర 2 విషయంలో ఎలాంటి అధికారిక ప్రకటన చేయలేదు.
ప్రస్తుతం ఉన్న వరుస ప్రాజెక్టులు పూర్తయిన తర్వాతే ఈ సినిమా జరుగుతుందా లేదా అనే విషయంపై స్పష్టత వచ్చే అవకాశం ఉంది.