కన్నడ నిర్మాణ సంస్థ KVN ప్రొడక్షన్స్ ఇప్పుడు టాలీవుడ్‌లో మెగాస్టార్ చిరంజీవితో సంచలన ప్రాజెక్ట్‌కు సిద్ధమవుతోంది. ఇప్పటికే యశ్ ‘టాక్సిక్’, విజయ్ కుమార్ ‘జననాయకన్’ వంటి భారీ చిత్రాలతో దూసుకెళ్తున్న KVN, ఇప్పుడు చిరు బాబీ కాంబోకు గ్రీన్ సిగ్నల్ ఇచ్చినట్టు సమాచారం.
‘వాల్తేరు వీరయ్య’ విజయంతో చిరు–బాబీ జోడీపై మళ్లీ ఆసక్తి నెలకొంది. బాబీ తన తాజా ప్రాజెక్ట్ ‘డాకూ మహరాజ్’ తర్వాత వెంటనే మరో సినిమా చేయాలని భావించగా, హీరోల డేట్స్ సమస్యగా మారింది.
దీంతో చిరంజీవి యే సరైన ఎంపికగా నిలిచాడు. కానీ భారీ బడ్జెట్ విషయంలో నిర్మాతలు వెనుకంజ వేయడంతో, KVN స్టెప్ తీసుకున్నట్లు టాక్.
KVN ఇప్పటికే చిరంజీవికి అడ్వాన్స్ ఇచ్చినట్లు సమాచారం. ఈ బేస్‌పై బాబీ దర్శకత్వంలో సినిమా సెట్స్‌పైకి తీసుకెళ్లేందుకు ప్రణాళికలు వేస్తున్నారని తెలుస్తోంది. ప్రస్తుతం చిరంజీవి విదేశాల్లో ఉన్నందున, ఆయన రాగానే చర్చలు తుది నిర్ణయానికి వచ్చే అవకాశం ఉంది.
ఇది సెట్స్‌పైకి వెళ్తే, చిరంజీవి కెరీర్‌లో మరో భారీ ప్రాజెక్ట్‌గా నిలవనుంది. KVN సపోర్ట్‌తో ఈ సినిమా విజువల్ వన్ అవ్వడం ఖాయంగా కనిపిస్తోంది.