ఏపీ: ఆంధ్రప్రదేశ్ను గ్లోబల్ మ్యానుఫ్యాక్చరింగ్ హబ్గా మార్చడమే లక్ష్యంగా సీఎం చంద్రబాబు నాయుడు తన యూకే పర్యటనను కొనసాగిస్తున్నారు. ఇందులో భాగంగా ఆయన లండన్లో ఏరోస్పేస్ దిగ్గజం రోల్స్ రాయిస్ ఉన్నతాధికారులతో భేటీ అయ్యారు.
రోల్స్ రాయిస్ చీఫ్ టెక్నాలజీ ఆఫీసర్ నిక్కీ గ్రేడీ స్మిత్తో సమావేశమైన చంద్రబాబు, ఏపీలోని వనరులను, అవకాశాలను వివరించారు. ఏరోస్పేస్, డిఫెన్స్, అడ్వాన్స్డ్ మ్యానుఫ్యాక్చరింగ్ రంగాలకు ఏపీ అత్యంత అనుకూలమైనదని తెలిపారు.
ముఖ్యంగా, ఓర్వకల్ మిలిటరీ ఎయిర్స్ట్రిప్, భోగాపురం అంతర్జాతీయ విమానాశ్రయం వంటి ప్రాజెక్టులను ఆయన ప్రస్తావించారు. రోల్స్ రాయిస్ వంటి సంస్థలు ఏపీకి వస్తే, అది దేశీయ ఏరోస్పేస్ రంగంలో స్వయం సమృద్ధికి దోహదపడుతుందని చంద్రబాబు అభిప్రాయపడ్డారు.
అనంతరం, సెమీకండక్టర్, బ్యాటరీ ఎనర్జీ స్టోరేజ్ రంగాల్లో పెట్టుబడుల కోసం ఎస్ఆర్ఏఎం, షాంకో హోల్డింగ్స్ వంటి సంస్థల అధినేతలతోనూ బాబు చర్చలు జరిపారు. విశాఖ, తిరుపతిలను గ్లోబల్ కెపాబిలిటీ సెంటర్లుగా (GCCs) తీర్చిదిద్దే ప్రణాళికలను వివరించారు.
చంద్రబాబు పర్యటన కేవలం పెట్టుబడులకే పరిమితం కాకుండా, రాష్ట్రంలో ఓ నూతన పారిశ్రామిక సంస్కృతిని తీసుకురావడమే లక్ష్యంగా సాగుతోంది. ఈ పర్యటన ఆంధ్రప్రదేశ్ను భవిష్యత్తులో “ఇండియన్ ఏరోస్పేస్ హబ్”గా మార్చే దిశగా పడిన బలమైన అడుగుగా విశ్లేషకులు భావిస్తున్నారు.