స్టార్ హీరోయిన్ సమంత ఇప్పుడు నటనతో పాటు నిర్మాతగా కూడా తన పరిధిని విస్తరించుకుంది. ట్రాలాలా మూవింగ్ పిక్చర్స్ బ్యానర్‌పై తొలి ప్రయత్నంగా చేసిన సినిమా శుభం, తాజాగా థియేటర్లలో విడుదలై మిశ్రమ స్పందనను పొందింది.
ప్రవీణ్ కండ్రేగుల దర్శకత్వంలో రూపొందిన ఈ కామెడీ హారర్ మూవీ, తక్కువ బడ్జెట్‌తో రూపొందినా, సమంత ప్రమోషన్లతో మంచి బజ్‌ను ఏర్పరచుకుంది. మౌత్‌పబ్లిసిటీ బాగుండడంతో ప్రేక్షకుల నుంచి పాజిటివ్ రెస్పాన్స్ వచ్చిందని ట్రేడ్ వర్గాలు చెబుతున్నాయి.
అయితే బాక్సాఫీస్ వద్ద మాత్రం వసూళ్లు ఆశించినంత రాలేదు. ఫస్ట్ వీకెండ్ వరల్డ్‌వైడ్ గ్రాస్ సుమారు రూ.5 కోట్ల వరకు ఉందట. కానీ శాటిలైట్, ఓటీటీ రైట్స్ ద్వారా సమంత లాభాల్లోనే ఉన్నట్టు టాక్. రూ.1.5 కోట్లు శాటిలైట్ డీల్ కాగా, ఓటీటీ డీల్ రూ.3 కోట్ల వరకూ వెళ్లే అవకాశం ఉంది.
ఈ లాభాల నేపథ్యంలో నిర్మాతగా సమంత ప్రయోగం విజయవంతమైనదిగా విశ్లేషకులు అభిప్రాయపడుతున్నారు. బాక్సాఫీస్ ఫలితాలు ఎలా ఉన్నా, ఆమెకి కలిగిన నెగెటివ్ ఇమేజ్‌ను తుడిచివేసే ప్రయత్నంగా ‘శుభం’ నిలిచింది.
samantha, shubham movie, tollywood, producer debut, box office report,