రామ్ చరణ్ ప్రస్తుతం పెద్ది షూటింగ్‌తో బిజీగా ఉన్నా, తదుపరి ప్రాజెక్ట్‌లపై ఇప్పటికే చర్చలు మొదలయ్యాయి. సుకుమార్‌తో ఓ సినిమా, త్రివిక్రమ్ మల్టీస్టారర్ ప్రాజెక్ట్ తర్వాత మరో క్రేజీ కాంబో చర్చలోకి వచ్చింది.
ఓజీ మూవీతో మళ్లీ ఫామ్‌లోకి వస్తున్న దర్శకుడు సుజిత్, చరణ్ కోసం ఓ మాస్ యాక్షన్ ఎంటర్‌టైనర్‌ను సిద్ధం చేస్తున్నట్టు సమాచారం. ఈ కథను వినగానే చరణ్ ఆసక్తిగా స్పందించాడని టాక్.
అసలు ప్లాన్ నానితో సినిమా అయినా, ఆయన బిజీగా ఉండటంతో చరణ్‌కు స్క్రిప్ట్ మార్చేశారట. ఈ ప్రాజెక్ట్‌కి DVV ఎంటర్టైన్‌మెంట్స్ బ్యానర్‌పై గ్రీన్ సిగ్నల్ వచ్చే అవకాశాలు ఉన్నాయన్న వార్తలతో, ఈ కాంబోపై ఇప్పటికే భారీ అంచనాలు ఏర్పడ్డాయి. చరణ్‌కు మాస్ స్క్రీన్ ప్రెజెన్స్ ఉన్న హీరోగా పేరుంది.
ఇక సుజిత్‌కు ‘సాహో’ తర్వాత హిట్ అవసరం. చరణ్‌తో పవర్‌ఫుల్ కథ చేస్తే ఇది కచ్చితంగా కమర్షియల్ హిట్‌గా నిలవనుంది. ప్రాజెక్ట్ 2026లో సెట్స్ పైకి వెళ్లే అవకాశాలు ఉన్నాయి.