లాస్ ఏంజెలెస్‌లో పరిస్థితులు తీవ్రంగా మారాయి. అక్రమ వలసదారుల అరెస్టులతో ప్రారంభమైన ఆందోళనలు నాలుగో రోజుకూ కొనసాగుతున్నాయి. నిరసనలు హింసాత్మకంగా మారడంతో అధ్యక్షుడు ట్రంప్ కఠిన చర్యలు ప్రారంభించారు. శాంతి భద్రతల పరిరక్షణకు నేషనల్ గార్డులు, మెరైన్స్‌ను మోహరించారు.
“లాస్ ఏంజెలెస్ లాంటి నగరాన్ని రక్షించేందుకు బలగాలు తప్పనిసరి,” అంటూ ట్రంప్ స్పందించారు. గవర్నర్, మేయర్‌ల అసమర్థత వల్లే నగరంలో ఈ స్థాయికి పరిస్థితులు దారి తీసాయని తీవ్ర ఆరోపణలు చేశారు. 700 మెరైన్స్, 4000 నేషనల్ గార్డులు రంగంలోకి దిగినట్టు తెలిపారు.
ఇక ట్రంప్ చర్యలపై కాలిఫోర్నియా గవర్నర్ న్యూసోమ్ మండిపడ్డారు. రాష్ట్ర అనుమతి లేకుండా బలగాలను మోహరించడం అసాధారణమని, ఇది నియంతృత్వ పోకడలుగా భావిస్తున్నట్లు తెలిపారు. ఫెడరల్ చట్టాలను ఉల్లంఘిస్తున్నారని అభిప్రాయపడ్డారు.
న్యూసోమ్ ఈ వ్యవహారంపై చట్టపరమైన చర్యలకు దిగేందుకు సిద్ధమవుతున్నారు. అధ్యక్షుడిపై దావా వేయడం సహా అన్ని అవకాశాలను పరిశీలిస్తున్నారు. రాష్ట్ర అధికారాలకు కేంద్రం అడ్డుగా మారడం మౌలిక హక్కుల ఉల్లంఘనగా భావిస్తున్నారు.
ఈ ఉద్రిక్తతల నేపథ్యంలో అమెరికాలో కేంద్ర-రాష్ట్ర సంబంధాలపై తీవ్రమైన చర్చలు మొదలయ్యాయి. లాస్ ఏంజెలెస్ ప్రజలు భయభ్రాంతుల్లో ఉండగా, శాంతి స్థాపనపై ఆశలు మందగిస్తున్నాయి.
los angeles protests, trump military decision, california news, gavin newsom vs trump, usa immigration unrest,