న్యూస్ డెస్క్: ఉగ్రవాదాన్ని ప్రోత్సహిస్తున్న పాకిస్థాన్ విషయంలో ఐరోపా దేశాలు చూపిస్తున్న మౌనాన్ని భారత విదేశాంగ మంత్రి ఎస్. జైశంకర్ తీవ్రంగా విస్మయంగా స్వీకరించారు. జర్మన్ మీడియాకు ఇచ్చిన ఇంటర్వ్యూలో ఆయన ఈ వ్యాఖ్యలు చేశారు.https://www.un.org/en/
1947లో స్వాతంత్ర్యం వచ్చినప్పటి నుంచే పాక్ తరచూ కశ్మీర్ సరిహద్దుల్లో ఉగ్ర చర్యలకు పాల్పడుతోందని జైశంకర్ అన్నారు. అయితే, ఐరోపా దేశాలు పాక్ సైనిక పాలకులకు గతంలో అండగా నిలవడాన్ని ఆయన తప్పుబట్టారు.
“ఉగ్రవాదాన్ని ప్రోత్సహిస్తున్న దేశానికి మీరు ఎలా మద్దతివ్వగలరు?” అని ఆయన ప్రశ్నించారు. భారత్ తరచూ సీమాంతర ఉగ్రవాదాన్ని గురించి హెచ్చరిస్తూనే ఉందన్నారు.
2004లో పాక్‌ను నాటో మిత్రదేశంగా గుర్తించిన అమెరికా నిర్ణయాన్ని కూడా ఆయన విమర్శించారు. పాక్‌కు వచ్చిన ఆర్థిక, సైనిక సహాయాలు ఉగ్రవాదాన్ని శక్తివంతం చేశాయని ఆరోపించారు.
పాక్‌లో ప్రభుత్వం, సైన్యం రెండూ ఉగ్రవాదంతో సంబంధం కలిగి ఉన్నాయని, ప్రపంచ దేశాలు దీనిపై నిజాయితీగా స్పందించాలని జైశంకర్ కోరారు.