చల్లని వార్త: ఈసారి ముందే నైరుతి రుతుపవనాలు

చల్లని వార్త: ఈసారి ముందే నైరుతి రుతుపవనాలు
మే 27న కేరళను తాకే అవకాశమన్న వాతావరణశాఖ

అండమాన్‌లోకి ప్రవేశించిన రుతుపవనాలు 🌧️

ఈ ఏడాది నైరుతి రుతుపవనాలు (Southwest Monsoon) సాధారణ సమయానికి మూడు రోజుల ముందే కదలికలు ప్రారంభించాయి. మంగళవారం సాయంత్రానికి ఇవి దక్షిణ అండమాన్ సముద్రం, నికోబార్ దీవులు, ఆగ్నేయ బంగాళాఖాతంపైకి ప్రవేశించనున్నట్లు వాతావరణశాఖ వెల్లడించింది.

అక్కడి నుంచి రానున్న నాలుగు నుంచి ఐదు రోజుల్లో రుతుపవనాలు దక్షిణ అరేబియా సముద్రం, దక్షిణ మధ్య బంగాళాఖాతం, అండమాన్ ప్రాంతాలను పూర్తిగా కప్పివేసే అవకాశం ఉందని అంచనా వేసింది.

కేరళకు రానున్న రుతుపవనాలు ☁️

ప్రస్తుతం అండమాన్–నికోబార్ దీవుల్లో వర్షాలు కొనసాగుతున్నాయి. వచ్చే 24 గంటల్లో అక్కడ భారీ నుంచి అతిభారీ వర్షాలు కురిసే సూచనలు కనిపిస్తున్నాయి.

వాతావరణశాఖ అంచనాల ప్రకారం, రుతుపవనాలు క్రమంగా ముందుకు కదిలి మే 27 నాటికి కేరళను తాకే అవకాశం ఉంది. ఇది సాధారణంగా జరిగే మే 30తో పోలిస్తే మూడురోజులు ముందుగానే అని అధికారులు స్పష్టం చేశారు.

రాయలసీమ, కోస్తాలో వర్ష సూచనలు ☔

తెలుగు రాష్ట్రాల్లో వాతావరణం అస్థిరంగా మారుతోంది. వాతావరణశాఖ ప్రకారం మే 14వ తేదీ నుంచి రాయలసీమ, దక్షిణ కోస్తాంధ్ర ప్రాంతాల్లో వర్షాలు పెరుగుతాయని తెలిపింది.

ఇక తెలంగాణలోని కొన్ని జిల్లాల్లో మంగళవారం, బుధవారం తేలికపాటి నుంచి ఓ మోస్తరు వర్షాలు కురిసే అవకాశం ఉందని వెల్లడించింది. కొన్ని ప్రాంతాల్లో భారీ వర్షాలు కూడా కురిసే అవకాశముంది.

ఎండలు, వడగాలులతో ప్రజలకి ఇబ్బంది 🌡️

ఇటు ఆంధ్రప్రదేశ్‌లో ఎండలు తీవ్రంగా పెరిగాయి. సోమవారం రాష్ట్రంలోని అనేక జిల్లాల్లో గరిష్ట ఉష్ణోగ్రతలు 40–42 డిగ్రీల మధ్య నమోదయ్యాయి.

తీవ్ర వడగాలుల ప్రభావిత మండలాలు:

సోమవారం ఏపీలో 40 నుంచి 42 డిగ్రీల మధ్య గరిష్ట ఉష్టోగ్రతలు నమోదు అయ్యాయి. శ్రీకాకుళం, విజయనగరం, మన్యం, కాకినాడ, తూర్పోగోదావరి జిల్లాల్లోని 29 మండల్లో తీవ్రంగా.. శ్రీకాకుళం, విజయనగరం, మన్యం, అల్లూరి, అనకాపల్లి, తూర్పుగోదావరి, కాకినాడ, కృష్ణా జిల్లాలోని మరో 41 మండలాల్లో వడగాల్పుల ప్రభావం చూపాయి.