హాలీవుడ్‌లో సంచలన విజయాలను అందుకున్న అవతార్ సిరీస్ నుంచి మూడో భాగం అవతార్ 3 త్వరలో ప్రేక్షకుల ముందుకు రాబోతోంది. జేమ్స్ కామరోన్ దర్శకత్వంలో రూపొందుతున్న ఈ సినిమాకు “అవతార్ ది ఫైర్ అండ్ ఆష్” అనే టైటిల్ ఖరారు చేశారు.
తాజా‌గా మేకర్స్ ఈ మూవీకి సంబంధించిన ఫస్ట్ లుక్ పోస్టర్‌ను విడుదల చేశారు.
పోస్టర్‌ లోనే టైటిల్ యొక్క అర్థం స్పష్టంగా కనిపిస్తోంది. నయా విజువల్స్‌తో కూడిన ఈ ఫస్ట్ లుక్ ఇప్పటికే అభిమానుల్లో ఆసక్తిని పెంచింది.
ఇక ట్రైలర్‌పై కూడా ఓ అప్డేట్ ఇచ్చారు. ఈ శుక్రవారం రిలీజ్ కానున్న ఫెంటాస్టిక్ 4 మూవీతో థియేటర్స్‌లో అవతార్ 3 ట్రైలర్‌ని ప్రదర్శించనున్నారు.
అవతార్ సిరీస్‌కు ప్రపంచవ్యాప్తంగా ఉన్న క్రేజ్‌తో, కొత్త ట్రైలర్‌పై భారీ అంచనాలు నెలకొన్నాయి. ఈ ఏడాది చివరిలోనే సినిమా విడుదల చేయనున్నట్టు సమాచారం. ఇండియాలో కూడా ఈ మూవీని పెద్ద ఎత్తున రిలీజ్ చేయడానికి ప్లాన్ చేస్తున్నారు.
ఫ్యాన్స్ ఈ కొత్త ఫస్ట్ లుక్‌కు మంచి స్పందన ఇస్తున్నారు. త్వరలో ట్రైలర్‌తో మరింత హైప్ పెరగడం ఖాయం.