పవర్ స్టార్ పవన్ కళ్యాణ్ నటించిన హరిహర వీరమల్లు సినిమా ఎట్టకేలకు జూలై 24న విడుదల కానుంది. ఈ సందర్భంగా ఏర్పాటు చేసిన మీడియా సమావేశంలో పవన్ కళ్యాణ్ తొలిసారిగా సినిమా ప్రమోషన్ విషయంపై మీడియాతో చర్చించారు.
పవన్ మాట్లాడుతూ, “నేను యాక్సిడెంటల్ యాక్టర్‌ని. సినిమాని ప్రమోట్ చేయడం, మాట్లాడడం నాకు రాదు. అయినా ఈ సినిమా కోసం ప్రత్యేకంగా వచ్చాను,” అని స్పష్టం చేశారు. ఆయన మాటల్లో ఆయన ఓ నిజాయితీ గల వ్యక్తిగా కనిపించారు.
“ఈ సినిమాకు అనేక సమస్యలు ఎదురయ్యాయి. రెండు కరోనా లాక్‌డౌన్లు, క్రియేటివ్ డిఫరెన్స్ లు. రాజకీయాల్లోకి వెళ్లాక టైమ్ కట్ అయింది. కానీ నిర్మాత రత్నం గారు అడగడంతో, నా చేతనంతా ఇచ్చేశాను. క్లైమాక్స్ కోసం 57 రోజులు షూటింగ్ చేశాను,” అన్నారు.
మూవీ కథ విషయానికి వస్తే, కొహినూర్ డైమండ్ హైదరాబాద్‌కు ఎలా చేరిందనే అంశం ఆధారంగా రూపొందించారని చెప్పారు. దీనికి స్క్రిప్ట్ క్రిష్ జాగర్లమూడి సిద్ధం చేశారని, తనకు బాగా నచ్చిందని తెలిపారు.
పవన్ మాట్లాడుతూ, ‘‘ల్యాంగ్ గ్యాప్ తర్వాత మళ్లీ మార్షల్ ఆర్ట్స్ చేశాను. సినిమా కోసం ఎన్నో సవాళ్లను అధిగమించాం. ఇలాంటి సినిమా తీయడం చిన్న విషయం కాదు,” అన్నారు.
పవన్ స్పందనతో ఫ్యాన్స్ సంతృప్తి చెందారు. ఈ సినిమా ఆయనకు సినిమాటిక్ బూస్ట్ ఇస్తుందా అన్నది ఆసక్తికరంగా మారింది. పవన్ మళ్లీ సినిమాల మీద దృష్టి పెడతాడా అనే ఉత్కంఠ కొనసాగుతోంది.